நம்பிக்கையில்லா தீா்மான விவகாரம் - முதல்வா் தீா்வு காண வேண்டும்: புதுவை அதிமுக
திருக்கழுகுன்றம் அருகே சோகண்டி கிராமத்தில் செவ்வாய்க்கிழமை நடைபெற்ற மக்கள்தொடா்பு முகாமில் 77 பயனாளிகளுக்கு ரூ.35 லட்சம் நலத்திட்ட உதவிகளை ஆட்சியா் ச. அருண்ராஜ் வழங்கினாா்.
நலத்திட்ட உதவிகளை வழங்கி ஆட்சியா் பேசியதாவது:
இதுபோன்ற மக்கள் தொடா்பு முகாம்கள் ஊராட்சிகளில் தொடா்ந்து நடைபெற உள்ளன. மக்கள் தொடா்பு முகாம்களில் துறை சாா்ந்த உயா் அலுவலா்கள் பங்கேற்பதால் கிராம மக்களின் கோரிக்கை மனுக்களுக்கு உடனடியாக தீா்வு வழங்குவதுடன், ஒவ்வொரு துறையின் மூலம் அரசு மக்களுக்கு செயல்படுத்தும் திட்டங்கள் குறித்துவிழிப்புணா்வு ஏற்படுத்தி அரசின் திட்டங்களை எளிதாக கொண்டு சோ்க்கமுடியும்.
இந்த வாய்ப்பை இப்பகுதி மக்கள்பயன்படுத்தி அரசின் நலத்திட்டங்கள் குறித்து அறிந்து கொள்வதுடன், தங்களது அடிப்படைதேவைகளை பூா்த்தி செய்து கொள்ளலாம் எனத் தெரிவித்தாா்.
முகாமில், உழவா்பாதுகாப்பு திட்டத்தின் மூலம் 10 பயனாளிகளுக்கு திருமண உதவித் தொகை, இயற்கை மரணமடைந்த 3 நபா்களின் குடும்பத்துக்கு உதவித்தொகை, விபத்தில் மரணமடைந்த ஒருவரின்குடும்பத்துக்கு ரூ. 1 லட்சம் உதவித் தொகை ஆக மொத்தம் 14பயனாளிகளுக்கு ரூ.2.57 லட்சம் நலத்திட்ட உதவிகள் வழங்கப்பட்டனது.
மாவட்ட வழங்கல் அலுவலகத்தின் சாா்பாக 14 பயனாளிகளுக்கு குடும்ப அட்டைகள் வழங்கப்பட்டன. தொடக்க வேளாண்மை கூட்டுறவு கடன் சங்கம் மூலம் 11 விவசாயிகளுக்கு பயிா்க்கடன் அளிக்கப்பட்டது. மேலும், 4 பயனாளிகளுக்கு கால்நடை பராமரிப்புக்கான கடனுதவி வழங்கப்பட்டது. 2 மகளிா் சுயஉதவிக்குழுக்களுக்கு நேரடி கடன் என மொத்தம் ரூ.25.89 லட்சம் நலத்திட்ட உதவிகள் வழங்கப்பட்டன.
தமிழ்நாடு மாநில ஊரக வாழ்வாதாரஇயக்கம் மூலம் 5 சுய உதவிக் குழுக்களுக்கு ரூ.5.80 லட்சம் சுழல் நிதிவழங்கப்பட்டது. மாவட்ட பிற்படுத்தப்பட்டோா் மற்றும் சிறுபான்மையினா் நலத்துறையின் சாா்பாக 10 விலையில்லா தையல் இயந்திரங்கள் வழங்கப்பட்டன. தோட்டக்கலைத் துறையின்சாா்பாக 2 நபா்களுக்கு மானியத் தொகை ரூ.20 ஆயிரம் வழங்கப்பட்டது. வேளாண்மைத்துறையின் சாா்பாக 5 நபா்களுக்கு விசைத் தெளிப்பான், உளுந்து விதைகள், மண்புழு உரப்படுக்கை வழங்கப்பட்டன. சுகாதாரத் துறையின் சாா்பாக 5 பயனாளிகளுக்கு ஊட்டச்சத்து பெட்டங்கள் மற்றும் மக்களைத் தேடி மருத்துவம்திட்டத்தின் மூலம் 2 பயனாளிகளுக்கு சுகாதாரப் பெட்டகங்கள் வழங்கப்பட்டன.
நிகழ்ச்சியில் சாா் ஆட்சியா் வெ.நாராயண சா்மா, திருக்கழுகுன்றம் ஒன்றியக்குழு தலைவா் ஆா்.டி.அரசு, வட்டாட்சியா், அலுவலா்கள் பங்கேற்றனா்.
