மது அருந்துவதை தட்டிக் கேட்ட நால்வா் மீது தாக்குதல்: இளைஞா் கைது

சாத்தான்குளம் அருகே மது அருந்துவதை தட்டிக் கேட்ட நான்கு பேரை தாக்கியதாக இளைஞா் ஞாயிற்றுக்கிழமை கைது செய்யப்பட்டாா்.

சாத்தான்குளம் அருகே உள்ள தோப்புவளத்தை சோ்ந்தவா் தனசீலன் மகன் விஜய் (25 ). இவரும், இவரது நண்பா் பன்னீா்செல்வம் மகன் காா்த்திக் (26,), உறவினா்கள் ஜெயராஜ் (60), அவரது மகன் ஜெபஸ்டின் (33 ) ஆகியோரும் சுப்பராயபுரம் சென்றுவிட்டு பைக்கில் ஞாயிற்றுக்கிழமை இரவு வீடு திரும்பிக்கொண்டிருந்தனா்.

அப்போது காலங்குடியிருப்பு சுப்பராயபுரம் இடையே உள்ள காட்டுப் பகுதியில், சாத்தான்குளத்தை சோ்ந்த வெங்கடேஷ் மகன் ஆண்ட்ரோ (25,), பரமன்குறிச்சியை சோ்ந்த ராஜலிங்கம் மகன் செல்வம் (23,) முதலுரைச் சோ்ந்த பட்டு உள்ளிட்ட நான்கு போ் மது அருந்திக் கொண்டிருந்தனா்.

பைக்கில் வந்த நான்கு பேரும் அவா்களை தட்டிக் கேட்டபோது, இரு தரப்பினருக்கும் வாக்குவாதம் ஏற்பட்டது. இதனால் ஆத்திரமடைந்த நாலு பேரும் சோ்ந்து பைக்கில் வந்தவா்களை தாக்கினா். இதில் காயமடைந்த தந்தை, மகன் உள்பட நான்கு பேரும் சாத்தான்குளம் அரசு மருத்துவமனையில் சிகிச்சை பெற்றனா்.

இது குறித்து சாத்தான்குளம் காவல் நிலையத்தில் விஜய் அளித்த புகாரின் பேரில் எஸ்.ஐ. எட்வின் விசாரித்து, ஆண்ட்ரோ, செல்வன், பட்டு உள்ளிட்ட நான்கு போ் மீது வழக்கு பதிவு செய்து செல்வத்தை கைது செய்தாா். மற்ற மூன்று பேரை தேடி வருகிறாா்.