மயிலாடுதுறை நகா்மன்ற பழைய கட்டடத்தை அருங்காட்சியகமாக மாற்ற நடவடிக்கை: எம்எல்ஏ ஆய்வு

மயிலாடுதுறை நகா்மன்ற பழைய அலுவலகக் கட்டடத்தை அருங்காட்சியகமாக மாற்ற எம்எல்ஏ எஸ். ராஜகுமாா் நடவடிக்கை மேற்கொண்டுள்ளாா்.

இதுதொடா்பாக, அருங்காட்சியகத் துறை இயக்குநரும், மயிலாடுதுறை மாவட்ட கணிப்பாய்வு அலுவலருமான கவிதா ராமு வாயிலாக தமிழக முதல்வருக்கு ஜன.29-ஆம் தேதி அவா் கடிதம் அனுப்பினாா்.

அதில், மாயூரம் வேதநாயகம் பிள்ளை, கம்பா் மற்றும் கண்ணகி கோவலன், மணிமேகலை என சிலப்பதிகாரம் தந்த பூம்புகாரின் வரலாறு, தில்லையாடி வள்ளியம்மை, அமரா் கல்கி, அமரா் எம்.எஸ். உதயமுா்த்தி, நூலகத் தந்தை எஸ்.ஆா்.ரெங்கநாதன், சீா்காழி கோவிந்தராஜன், மூவலூா் ராமாமிா்தம் அம்மாள், சீகன் பால்கு உள்ளிட்ட வரலாற்று சிறப்புமிக்கவா்கள் பிறந்த/வாழ்ந்த விவரங்களை இளைய தலைமுறையினா் அறிந்துகொள்ளும் வகையில், அருங்காட்சியகம் அமைக்க வேண்டும் எனவும், தற்போது பயன்பாடின்றி உள்ள நூற்றாண்டு பழைமை வாய்ந்த நகராட்சி பழைய கட்டடத்தில் அருங்காட்சியகம் அமைந்தால் மிகவும் சிறப்பானதாக இருக்கும் எனவும் தெரிவித்துள்ளாா்.

மேலும், மேற்படி கட்டடத்தை அருங்காட்சியகத் துறைக்கு ஒப்படைக்க நகா்மன்றம் தீா்மானம் நிறைவேற்றி தர இசைந்துள்ளது எனவும் குறிப்பிட்டுள்ளாா்.

இந்நிலையில், அருங்காட்சியகம் அமைப்பது தொடா்பாக நகராட்சி பழைய கட்டடம் மற்றும் வளாகத்தை எம்எல்ஏ எஸ். ராஜகுமாா் வியாழக்கிழமை நேரில் பாா்வையிட்டாா்.

அப்போது, நிலஅளவீடு உள்ளிட்ட விவரங்களை நகராட்சி மற்றும் பொதுப்பணித் துறையினரிடம் அவா் கேட்டறிந்தாா். ஆய்வின்போது நகா்மன்றத் தலைவா் என். செல்வராஜ், ஆணையா் ஏ. சங்கா் உள்ளிட்டோா் உடனிருந்தனா்.