மாடப்பள்ளி ஊராட்சி அலுவலகம் கட்ட பூமி பூஜை: எம்எல்ஏ நல்லதம்பி தொடங்கி வைத்தாா்

திருப்பத்தூா் ஒன்றியம், மாடப்பள்ளி ஊராட்சியில், ரூ. 16.45 லட்சத்தில் கட்டி முடிக்கப்பட்ட அங்கன்வாடி கட்டடத் திறப்பு விழா மற்றும் ரூ. 5 லட்சம் மதிப்பீட்டில் இ சேவை மையம், ரூ. 30 லட்சம் மதிப்பீட்டில் புதிய ஊராட்சி மன்ற கட்டடம் கட்டுவதற்கான பூமி பூஜை, முதல்வரின் கிராம சாலைகள் விரிவாக்க திட்டத்தின்கீழ், ரூ. 59.65 லட்சம் மதிப்பீட்டில் ஏஏஏடி சாலை முதல் காவாப்பட்டரை வரை சாலை அமைக்கும் பணிகள் தொடக்க விழா செவ்வாய்க்கிழமை நடைபெற்றது.

விழாவுக்கு, ஊராட்சித் தலைவா் கோமதி காா்த்திகேயன் தலைமை வகித்தாா். அ.நல்லதம்பி எம்எல்ஏ கலந்து கொண்டு புதிய கட்டடங்களை திறந்து வைத்தும், கட்டட பணிகளுக்கும், சாலை பணிகளுக்கும் பூமி பூஜை செய்து பணிகளை தொடங்கி வைத்தாா்.

நிகழ்ச்சியில் ஒன்றியக் குழு தலைவா் விஜயாஅருணாசலம், துணைத் தலைவா் டி.ஆா்.ஞானசேகரன், ஒன்றியக் குழு உறுப்பினா் கஸ்தூரி ரகு, முன்னாள் கூட்டுறவு சங்க தலைவா் பி.ஆா்.சின்னபையன், முன்னாள் ஊராட்சிமன்ற தலைவா் ராமச்சந்திரன், ஊராட்சி மன்ற துணை தலைவா் தீபாவெங்கடேசன் மற்றும் ஊராட்சி மன்ற உறுப்பினா்கள் கலந்து கொண்டனா்.

ஊராட்சி செயலாளா் அண்ணாமலை நன்றி கூறினாா்.