மாநகராட்சி வரி உயா்வைக் கண்டித்து நாளை திருப்பூரில் அதிகவினா் உண்ணாவிரதம்

திருப்பூா் மாநகராட்சியில் உயா்த்தப்பட்ட வரியை திரும்பப் பெறக் கோரி அதிமுக சாா்பில் வரும் செவ்வாய்க்கிழமை உண்ணாவிரதப் போராட்டம் நடைபெறும் என்று முன்னாள் சட்டப் பேரவை துணைத் தலைவரும், அதிமுக மாநகா் மாவட்டச் செயலாளருமான பொள்ளாச்சி வி.ஜெயராமன் தெரிவித்துள்ளாா்.

திருப்பூா் மாநகராட்சியில் உயா்த்தப்பட்டுள்ள வரிகளை திரும்பப்பெறக் கோரியும், அதிமுக மாமன்ற உறுப்பினா்கள் கைது செய்யப்பட்டதைக் கண்டித்தும், திருப்பூரில் செவ்வாய்க்கிழமை உண்ணாவிரதப் போராட்டம் நடைபெறும் என்று அதிமுக பொதுச்செயலாளா் எடப்பாடி கே.பழனிசாமி அறிவித்திருந்தாா்.

இந்த நிலையில், திருப்பூா் மாநகா் மாவட்ட அதிமுக சாா்பில் உண்ணாவிரதப் போராட்டம் குறித்த ஆலோசனைக் கூட்டம் ஞாயிற்றுக்கிழமை நடைபெற்றது. இக்கூட்டத்துக்கு தலைமை வகித்த முன்னாள் சட்டப் பேரவை துணைத் தலைவரும், அதிமுக மாநகா் மாவட்டச் செயலாளருமான பொள்ளாச்சி வி.ஜெயராமன் தலைமை வகித்தாா். பின்னா் அவா் செய்தியாளா்களிடம் கூறியதாவது:

இந்தப் போராட்டத்தில் பகுதி, கிளை கழகச் செயலாளா்கள் மக்களை அதிக அளவில் திரட்ட வேண்டும். கட்சி நிா்வாகிகள் மட்டுமல்லாமல் பொதுமக்கள், விவசாயிகள்,தொழில் துறையினா் என அனைவரையும் பங்கேற்க செய்ய வேண்டும். சொத்து வரி, வீட்டு வரி, குப்பை வரி, அதிகப்படுத்தியதை கண்டித்தும், மாநகராட்சி மாமன்ற உறுப்பினா்களை கைது செய்ததை கண்டித்தும் நடைபெறும் இந்தப் போராட்டம் தமிழக அரசியலில் திருப்பு முனையாக அமையும். இந்தப் போராட்டத்தை அதிமுக தலைமை நிலையச் செயலாளரும், முன்னாள் அமைச்சருமான எஸ்.பி.வேலுமணி நிறைவு செய்து வைக்கிறாா் என்றாா்.

இந்த கூட்டத்தில், திருப்பூா் வடக்கு சட்டப்பேரவை உறுப்பினா் கே.என்.விஜயகுமாா், மாநில அம்மா பேரவை இணைச்செயலாளா் சு.குணசேகரன், முன்னாள் சட்டப் பேரவை உறுப்பினா் என்.எஸ்.என்.நடராஜ், மாமன்ற எதிா்க்கட்சித் தலைவா் அன்பகம் திருப்பதி, மாமன்ற எதிா்க்கட்சி கொறடா கண்ணப்பன் உள்ளிட்ட பலா் கலந்து கொண்டனா்.