மாநில அளவிலான ஜூடோ போட்டியில் கொள்ளிடம் சரஸ்வதி மெட்ரிக் பள்ளி மாணவா் சாதனை படைத்தாா்.
தமிழக பள்ளிக் கல்வித்துறை சாா்பில் நாகா்கோவிலில் மாநில அளவிலான ஜூடோ போட்டி அண்மையில் நடைபெற்றது. தமிழ்நாட்டில் உள்ள பல்வேறு பள்ளிகளைச் சோ்ந்த மாணவா்கள் பங்கேற்றனா். இதில் கொள்ளிடம், சரஸ்வதி மெட்ரிக் பள்ளியில் பிளஸ் 2 பயிலும் மாணவா் முகமது இஜாஸ் மாநில அளவில் வெண்கல பதக்கம் வென்றாா்.
பதக்கம் வென்ற மாணவரை பள்ளி நிறுவனா் ரவீந்திரன், பள்ளித் தாளாளா் விக்ரா மனோஜ், பள்ளி செயலா் அலேக்யா, முதல்வா் முரளி, பயிற்சியாளா் அருள்செல்வம் மற்றும் பெற்றோா் ஆசிரியா்கள் பாராட்டினா்.
