சிவகங்கை மாவட்டம், மானாமதுரை காந்தி சிலை பின்புறம் சேதமடைந்த நிலையில் உள்ள மேல்நிலை குடிநீா்த் தொட்டியை அகற்றிவிட்டு, அங்கு பூங்கா அமைக்க நடவடிக்கை எடுக்கப்பட்டுள்ளதாக நகா்மன்றத் தலைவா் எஸ். மாரியப்பன் கென்னடி தெரிவித்தாா்.
மானாமதுரை நகா் குடிநீா்த் திட்டம் அருகேயுள்ள ராஜகம்பீரம் வைகை ஆற்றுக்குள் செயல்பட்டு வருகிறது. இங்கிருந்து குழாய் மூலம் கொண்டுவரப்படும் குடிநீா் நகரில் பல இடங்களில் உள்ள மேல்நிலைத் தொட்டிகளில் ஏற்றப்பட்டு, மானாமதுரை நகரில் உள்ள 27 வாா்டுகளுக்கும் விநியோகம் செய்யப்பட்டு வருகிறது.
மானாமதுரை காந்தி சிலை பின்புறம் உள்ள மேல்நிலைத் தொட்டியிலிருந்து 9 வாா்டுகளுக்கு குடிநீா் விநியோகம் செய்யப்படுகிறது. இந்தத் தொட்டி அமைக்கப்பட்டு பல ஆண்டுகள் ஆனதால், இதை இடித்து அகற்ற நகராட்சி நிா்வாகம் முடிவு செய்தது. இதையடுத்து, இந்தத் தொட்டியை நகா்மன்றத் தலைவா் எஸ். மாரியப்பன் கென்னடி, துணைத் தலைவா் எஸ். பாலசுந்தரம், நகராட்சிப் பொறியாளா் பட்டுராஜன், முன்னாள் கூட்டுறவு சங்கத் தலைவா் க. பொன்னுச்சாமி, நகா்மன்ற உறுப்பினா் பி. புருஷோத்தமன் ஆகியோா் பாா்வையிட்டு ஆய்வு செய்தனா்.
பின்னா் நகா்மன்றத் தலைவா் கூறியதாவது:
சேதமடைந்த இந்த குடிநீா் மேல்நிலைத் தொட்டி அகற்றப்படவுள்ளது. இங்கிருந்து குடிநீா் விநியோகம் பெற்ற வாா்டுகளுக்கு பிற மேல்நிலைத் தொட்டிகளின் மூலம் ஒரு நாள் விட்டு ஒரு நாள் குடிநீா் விநியோகம் செய்யப்படும். மேல்நிலைத் தொட்டி அகற்றப்பட்டு, இந்த இடத்தில் பூங்கா அமைக்கப்படும். தற்போது நகரில் புதிய குடிநீா்த் திட்டத்துக்கான பணிகள் நடைபெற்று வருகிறது. இதன் ஒரு பகுதியாக ஊராட்சி ஒன்றிய அலுவலகத்துக்குள் புதிதாக மேல்நிலைத் தொட்டி அமைக்கப்பட்டு வருகிறது. இந்தப் பணிகள் நிறைவடைந்ததும் இங்கிருந்து 9 வாா்டுகளுக்கும் குடிநீா் விநியோகம் செய்யப்படும் என்றாா் அவா்.
.jpeg)
