விசாரணையில் தொய்வு: ரிதன்யாவின் தந்தை அண்ணாதுரை கோவை ஐஜி அலுவலகத்தில் மனு
டி20 உலகக் கோப்பை 2026-இல் தேர்வாக இத்தாலி அணிக்கு இன்னும் ஒரு வெற்றி மீதமிருக்கிறது.
ஐரோப்பிய நாடுகளில் ஒன்றான இத்தாலி கால்பந்தில் மிகப்பெரிய செல்வாக்கினை செலுத்துகிறது.
தற்போது, கிரிக்கெட்டிலும் இந்த நாடு கவனம் செலுத்தி வருகிறது. அதன்படி, டி20 உலகக் கோப்பை 2026-இல் தேர்வாகும் வாய்ப்பு கிடைத்திருக்கிறது.
ஐசிசி டி20 உலகக் கோப்பை 2026-இல் 20 அணிகள் விளையாட இருக்கின்றன.
20 அணிகள் எப்படி தேர்வாகும்?
கடந்த உலகக் கோப்பை தரவரிசை, டி20 தரவரிசையின்படி நேரடியாக 10 அணிகளும் போட்டியை நடத்தும் 2 அணிகளும் தேர்வாகியுள்ளன.
அமெரிக்காவிலிருந்து ஒன்றும் ஐரோப்பா, ஆப்பிரிக்காவில் தலா இரண்டு அணிகளும் ஆசிய - பசுபிக்கில் இருந்து 3 அணிகளும் தேர்வாக இருக்கின்றன.
இதன்படி ஐரோப்பாவின் சமீபத்திய டி20 தகுதிப் போட்டியில் இத்தாலி ஸ்காட்லாந்தை வென்று புள்ளிப் பட்டியலில் முதலிடத்தில் நீடிக்கிறது.
ஐரோப்பிய தகுதிச் சுற்றில் இருந்து குயெர்ன்சி அணி ஒரு போட்டியிலும் வெல்லாமல் வெளியேறியது.
ஐரோப்பிய டி20 தகுதிச் சுற்றின் புள்ளிப் பட்டியல்
இத்தாலி - 5 புள்ளிகள் (+1.722)
நெதர்லாந்து - 4 புள்ளிகள் (+1.200)
ஜெர்ஸி - 3 புள்ளிகள் (+0.430)
ஸ்காட்லாந்து - 3 புள்ளிகள் (-0.150)
குயெர்ன்சி - 1 புள்ளி (-2.517)
அடுத்ததாக ஜெர்ஸி - ஸ்காட்லாந்து முறையே 3 புள்ளிகள் பெற்றுள்ளதால் இரு அணிகளுக்கும் இடையேயான கடைசி போட்டி இத்தாலிக்கு முக்கியமானதாக இருக்கிறது.
இத்தாலி தனது கடைசி போட்டியை நெதர்லாந்துடன் ஜூலை 11ஆம் தேதி மோதுகிறது.
இத்தாலி கடைசிப் போட்டியில் தோற்றாலும் நெட் ரன் ரேட்டில் பாதிக்காமல் இருந்தால் உலகக் கோப்பைக்குத் தேர்வாகும் என்பது குறிப்பிடத்தக்கது.
