முன்விரோதத்தால் இளைஞரை கொலை செய்த வழக்கில் ஒருவா் கைது

தொண்டி அருகே உள்ள நம்புதாளையில் தொழில் போட்டி காரணமாக இளைஞரை வெட்டிக் கொலை செய்த வழக்கில் தொண்டி போலீஸாா் ஒருவரை கைது செய்தனா்.

ராமநாதபுரம் மாவட்டம், பரமக்குடி கிருஷ்ணா திரையரங்கப் பகுதியைச் சோ்ந்த மாரிச்சாமி மகன் முத்துக்குமாா் (30). இவா் உள்பட சிலா் திருவிழாக் காலங்களில் ராட்டினம் உள்ளிட்ட பொழுதுபோக்கு நிகழ்ச்சிகளுக்கான தொழிலில் ஈடுபட்டு வந்தனா். இவா்கள் தீபாவளி பண்டிகையையொட்டி கடந்த இரு நாள்களாக தொண்டி அருகே உள்ள நம்புதாளை முருகன் கோயில் பின்புறம் ராட்டினம் அமைத்தனா். இதேபோல, தொண்டி மகாசக்திபுரம் பகுதியிலும் மற்றொருவா் ராட்டினம் அமைத்திருந்தாா்.

இந்த நிலையில், வெள்ளிக்கிழமை மாலை நம்புதாளை பகுதிக்கு வந்த சிலா் ராட்டினம் அருகே நின்றிருந்த முத்துக்குமாரிடம் வாக்குவாதத்தில் ஈடுபட்டனா். வாக்குவாதம் முற்றிய நிலையில் அவா்கள் முத்துக்குமாரை அரிவாளால் வெட்டினா். இதில் அவா் சம்பவ இடத்திலேயே உயிரிழந்தாா். இதைத் தடுக்க வந்த அவரது தாய் சுசிலாவும் வெட்டப்பட்டு தலையில் பலத்த காயமடைந்த நிலையில் தொண்டி அரசு மருத்துவமனையில் அனுமதிக்கப்பட்டாா்.

இதுகுறித்து தகவலறிந்து வந்த தொண்டி காவல் துறை ஆய்வாளா் செளந்திரபாண்டி, முத்துக்குமாரின் உடலை கைப்பற்றி ராமநாதபுரம் அரசு மருத்துவமனைக்கு கூறாய்வுக்காக அனுப்பி வைத்தாா். போலீஸாரின் முதல் கட்ட விசாரணையில், தொழில் போட்டி காரணமாக ஏற்பட்ட முன்விரோதத்தில் நாகநாதபுரத்தைச் சோ்ந்த சரவணன், சுந்தரவேல், ராஜா, சேது, பாஸ்கா், யசோதா உள்ளிட்டோா் இந்த கொலையில் ஈடுபட்டது தெரியவந்தது.

இந்த நிலையில் அமரன்வயல் கிராமத்தில் சந்தேகத்துக்கு இடமளிக்கும் வகையில் சிலா் நிற்பதாக போலீஸாருக்கு தகவல் கிடைத்தது. இதையடுத்து அங்கு சென்ற போலீஸாா் தலைமறைவாக இருந்து சிவகங்கை பகுதி பெருமசேரி சரவணனை (29) வெள்ளிக்கிழமை இரவு கைது செய்தனா்.

மேலும், சிவகங்கையைச் சோ்ந்த ராஜா, திருவாடானை தெற்கு தெருவைச் சோ்ந்த சின்னப்பன் மகன் அஜித், திருவாடானையைச் சோ்ந்த பாலு, சிவகங்கை அரண்மனை பகுதியைச் சோ்ந்த கலை திருவாடானை அருகே கடம்பாகுடியைச் சோ்ந்த ராசையா மகன் சொக்கு என்ற உலகநாதன் ஆகியோா் மீது வழக்குப் பதிந்து விசாரித்து வருகின்றனா்.