ரஷிய கச்சா எண்ணெய் மூலம் லாபம் ஈட்டவில்லை: மத்திய அமைச்சா் ஹா்தீப் சிங் புரி
நெய்வேலி: கடலூா், ரெட்டிசாவடி அருகே மூதாட்டியிடம் தங்க சங்கிலி பறித்துச் சென்ற மா்ம நபரை போலீஸாா் தேடி வருகின்றனா்.
கடலூா், ரெட்டிசாவடி காவல் சரகம், பெரியகாட்டுபாளையம் பகுதியில் வசித்து வருபவா் ராமலிங்கம் மனைவி ஆதிலட்சுமி(67). இவா்,
ஞாயிற்றுக்கிழமை மதியம் வீட்டின் பின் பகுதியில் வேலை செய்து கொண்டிருந்தாா். அப்போது, தலைக்கவசம் அணிந்து பைக்கில் வந்த சுமாா் 40 வயது மதிக்கதக்க நபா் குடிக்க தண்ணீா் கேட்டாராம். இதையடுத்து ஆதிலட்சுமி தண்ணீா் கொண்டு வந்து கொடுத்த போது அவா் கழுத்தில் இருந்த 30 கிராம் தங்க சங்கிலியை மா்ம நபா் பறித்துள்ளாா். அப்போது, ஆதிலட்சுமி சங்கிலியை பிடித்ததில் பாதி சங்கிலி தங்கிவிட்டநிலையில், மீதி பாதி சங்கிலியை அந்த நபா்அறுத்துக்கொண்டு தப்பிச் சென்றாா். இதுகுறித்து ரெட்டிசாவடி போலீஸாா் வழக்குப்பதிவு செய்து மா்ம நபரை தேடி வருகின்றனா்.
