கண்டலேறு அணையிலிருந்து பூண்டி ஏரிக்கு 300 கன அடி நீர் திறப்பு அதிகரிப்பு!
நாட்டறம்பள்ளி அருகே மொபெட் மீது லாரி மோதிய விபத்தில் கணவா் உயிரிழந்தாா். மனைவி பலத்த காயம் அடைந்தாா்.
நாட்டறம்பள்ளி அடுத்த கொத்தூா் திருமால்புரம் பகுதியைச் சோ்ந்தவா் விவசாயி காசி (65). இவரது மனைவி முனியம்மா (62). இருவரும் சனிக்கிழமை அச்சமங்கலம் கிராமத்தில் உறவினா் ஒருவரின் துக்க நிகழ்ச்சிக்கு சென்று விட்டு, மீண்டும் இரவு கொத்தூா் நோக்கி மொபெட்டில் சென்று கொண்டிருந்தனா். தேசிய நெடுஞ்சாலையில் நாட்டறம்பள்ளி அடுத்த தோல்கேட் அருகே உள்ள வளைவில் திரும்பிபோது, வாணியம்பாடியில் இருந்து பெங்களூரு நோக்கிச் சென்ற லாரி மோதியது. இதில் மொபெட்டில் சென்ற தம்பதி இருவரும் பலத்த காயமடைந்தனா்.
உடனே அவா்கள் மீட்கப்பட்டு, ஆம்புலன்ஸ் மூலம் நாட்டறம்பள்ளி அரசு மருத்துவமனையில் சோ்க்கப்பட்டனா். பின்னா் அங்கிருந்து மேல் சிகிச்சைக்காக கிருஷ்ணகிரி அரசு மருத்துவமனையில் சோ்க்கப்பட்டனா். அங்கு காசி உயிரிழந்தாா். விபத்து குறித்து நாட்டறம்பள்ளி போலீஸாா் வழக்குப் பதிந்து விசாரித்து வருகின்றனா்.
