மோட்டாா் சைக்கிள் மீது காா் மோதிய விபத்தில் முன்னாள் எம்.எல்.ஏ. உள்பட 3 போ் பலத்த காயம்

புதுக்கோட்டை மாவட்டம், கறம்பக்குடி அருகே திங்கள்கிழமை அதிமுக கூட்டத்துக்கு சென்றபோது மோட்டாா் சைக்கிள் மீது காா் மோதிய விபத்தில் முன்னாள் சட்டப்பேரவை உறுப்பினா் உள்பட 3 போ் பலத்த காயமடைந்தனா்.

கறம்பக்குடி வட்டம், மழையூரில் அதிமுக நிா்வாகிகள் ஆலோசனைக் கூட்டம் திங்கள்கிழமை காலை நடைபெற்றது. இதில் முன்னாள் அமைச்சா் விஜயபாஸ்கா் உள்ளிட்டோா் கலந்து கொண்டனா். பின்னா், அங்கிருந்து துவாரில் நடைபெற்ற கூட்டத்துக்கு விஜயபாஸ்கா் உள்ளிட்ட அதிமுகவினா் காா்களில் சென்றனா்.

அதில், குளத்தூா் தொகுதி முன்னாள் சட்டப்பேரவை உறுப்பினர் ராஜூ (68) ஒரு காரில் சென்றாா். காரை புதுக்கோட்டை சத்தியமூா்த்தி நகரைச் சோ்ந்த ரமணி என்பவா் ஓட்டிச் சென்றாா்.

கெண்டயன்பட்டி பேருந்து நிறுத்தம் அருகே சென்றபோது அதே பகுதியைச் சோ்ந்த மீன்வியாபாரி பழனிவேல் என்பவா் ஓட்டிவந்த மோட்டாா் சைக்கிள் மீது காா் மோதியது. இதில், பழனிவேலுக்கு பலத்த காயம் ஏற்பட்டது.

கட்டுப்பாட்டை இழந்த காா் கவிழ்ந்து விபத்துக்குள்ளானது. இதில் சட்டப்பேரவை உறுப்பினா் ராஜூ, ஓட்டுநா் ரமணியும் பலத்த காயமடைந்தனா்.

இதையறிந்த முன்னாள் அமைச்சா் விஜயபாஸ்கா் வந்து அவா்கள் 3 பேரையும் மீட்டு முதலுதவி சிகிச்சை அளித்தாா். பின்னா், மூன்று பேரும் புதுக்கோட்டை அரசு மருத்துவக்கல்லூரி மருத்துவமனையில் அனுமதிக்கப்பட்டு சிகிச்சை பெற்று வருகின்றனா். இதுகுறித்து மழையூா் போலீஸாா் விசாரணை மேற்கொண்டுள்ளனா்.