யூரோப்பா லீக் சாம்பியன் டாட்டன்ஹாம்

யூரோப்பா லீக் கால்பந்து போட்டியில் சாம்பியன் பட்டத்தை டாட்டன்ஹாம் ஹாட்ஸ்பா் அணி கைப்பற்றியது.

யூரோப்பா லீக் கோப்பை இறுதி ஆட்டம் ஸ்பெயினின் பில்போ நகரில் நடைபெற்றது. இதில் இங்கிலாந்து அணிகளான டாட்டன்ஹாம் ஹாட்ஸ்பரும்-மான்செஸ்டா் யுனைடெட் அணியும் மோதின.

ப்ரீமியா் லீக் தொடரில் ஆடும் இரு அணிகளும் நிகழ் சீசனில் மிகவும் மோசமாக ஆடி வருகின்றன. மான்செஸ்டா் யுனைடெட் 16ஆவது இடத்திலும், டாட்டன்ஹாம் 17-ஆவது இடத்திலும் உள்ளன.

இரு அணிகளும் ஆட்டம் தொடங்கியது முதல் கோல் போட மேற்கொண்ட முயற்சிகள் பலன் தரவில்லை. 42-ஆவது நிமிஷத்தில்

பிரெனன் ஜான்ஸன் அடித்த ஒரே கோலே வெற்றி கோலாக அமைந்தது.

இரண்டாம் பாதியில் டாட்டன்ஹாம் அணி முற்றிலும் தற்காப்பு ஆட்டத்தை கடைபிடித்தது.

40 ஆண்டுகளில் டாட்டன்ஹாம் அணி வென்ற முதல் ஐரோப்பிய கால்பந்து பட்டம் இதுவாகும். கடைசியாக 2008-இல் இங்கிலீஷ் லீக் கோப்பையையும், வென்றிருந்தது.

மான்செஸ்டா் யுனைடெட் அணி கடைசியாக 2024-இல் எஃப்ஏ கோப்பையை வென்றிருந்தது. ஐரோப்பிய அளவில் 2017-இல் யூரோப்பா லீக் கோப்பயையும் வென்றிருந்தது.