ரயிலில் பயணியின் நகை, பணத்தை திருடியதாக ஒருவரை திருநெல்வேலி ரயில்வே போலீஸாா் கைது செய்தனா்.
கன்னியாகுமரி மாவட்டம், மாத்தூா் பகுதியை சோ்ந்தவா் சுந்தர்ராஜ். இவா், கடந்த 18ஆம் தேதி கன்னியாகுமாரி விரைவு ரயிலில் முன்பதிவு பெட்டியில் குடும்பத்தோடு பயணம் செய்தாராம். அப்போது, ரூ.2,50,000 ரொக்கம், 5 பவுன் தங்க நகை வைக்கப்பட்டிருந்த அவரது பை திருடுபோனதாம்.
இதுதொடா்பாக அவா் திருநெல்வேலி ரயில்வே போலீஸில் புகாா் அளித்தாா். அதன்பேரில், ரயில்வே காவல்துறை கண்காணிப்பாளா் ராஜன் உத்தரவின்படி, டிஎஸ்பி இளங்கோவன் மேற்பாா்வையில் தனிப்படை அமைக்கப்பட்டு போலீஸாா் தீவிர விசாரணை நடத்தினா்.
திருநெல்வேலி,விருதுநகா் மதுரை ஆகிய ரயில் நிலையப் பகுதிகளில் உள்ள 40-க்கும் மேற்பட்ட சிசிடிவி கேமரா பதிவுகளை போலீஸாா் ஆய்வு செய்ததில், தூத்துக்குடி மாவட்டம் எட்டயபுரத்தைச் சோ்ந்த பாரதி என்ற சூா்யா என்பவருக்கு தொடா்பிருப்பது தெரியவந்தது. அவரை போலீஸாா் கைது செய்து நகை, பணத்தை மீட்டனா். மேலும், அவா் நீதிமன்றத்தில் திங்கள்கிழமை ஆஜா்படுத்தி சிறையில் அடைத்தனா்.
