நிலையான எரிபொருள் விநியோகத்துக்கு தேவையான நடவடிக்கைகள் மேற்கொள்ளப்படும்: மத்திய ...
பாளையங்கோட்டையில் காவலரை அரிவாளால் வெட்டியது தொடா்பான வழக்கில் சிறுவன் உள்பட 5 பேரை போலீஸாா் திங்கள்கிழமை கைது செய்தனா்.
மேலப்பாளையம் அத்தியடி மேலத்தெருவை சோ்ந்தவா் முகமது ரஹ்மத்துல்லா (28). இவா், மணிமுத்தாறு 9ஆவது சிறப்பு பட்டாலியனில் காவலராகப் பணியாற்றி வருகிறாா். இவருக்கு மனைவி மற்றும் 6 மாத குழந்தை உள்ளது.
இந்நிலையில் விடுமுறைக்காக வீட்டுக்கு வந்திருந்த அவா், பாளையங்கோட்டை வ.உ.சி. மைதானத்தில் உள்ள குழந்தைகள் பூங்காவுக்கு ஞாயிற்றுக்கிழமை சென்றிருந்தாராம். அப்போது சில இளைஞா்கள் தகராறில் ஈடுபட்டிருந்தனராம். அதை தட்டிக் கேட்டஅவருக்கு அரிவாள் வெட்டு விழுந்தது.
இதுகுறித்து பாளையங்கோட்டை போலீஸாா் வழக்குப்பதிந்தனா். மாநகர காவல் ஆணையா் சந்தோஷ் ஹாதிமணி உத்தரவின்பேரில் காவல் துணை ஆணையா் (கிழக்கு) வினோத் சாந்தாராம் மேற்பாா்வையில் 2 தனிப்படை அமைக்கப்பட்டு, அப்பகுதி கடைகளில் பொருத்தப்பட்டிருந்த சி.சி.டி.வி. கேமரா பதிவுகளின் அடிப்படையில் விசாரணை மேற்கொள்ளப்பட்டது.
அதில், தூத்துக்குடி மாவட்டம் முறப்பநாடு பகுதியைச் சோ்ந்த ஹரிஷ் (21), பாளையங்கோட்டை இலந்தைகுளம் மதன் (19), பாா்த்திபன் (20), மாா்க்கெட் பகுதி தினேஷ் (24) மற்றும் 16 வயது சிறுவன் இச்சம்பவத்தில் ஈடுபட்டுவிட்டு பைக்கில் தப்பிச்சென்றது தெரியவந்தது. அவா்களை கைது செய்த போலீஸாா் 6 பிரிவுகளின் கீழ் வழக்குப்பதிவு செய்துள்ளனா்.
