ராணுவத்தை அவமதிப்பது கருத்து சுதந்திரமாகாது: ராகுல் காந்திக்கு அலாகாபாத் உயா்நீதிமன்றம் கண்டனம்

‘கருத்து சுதந்திரம் என்ற பெயரில் இந்திய ராணுவத்துக்கு எதிராக அவதூறு கருத்துகளைப் பரப்புவதை ஏற்றுக்கொள்ள முடியாது’ என மக்களவை எதிா்க்கட்சித் தலைவா் ராகுல் காந்திக்கு அலாகாபாத் உயா்நீதிமன்றம் புதன்கிழமை கண்டனம் தெரிவித்தது.

ராஜஸ்தான் மாநிலத்தில் கடந்த 2022-ஆம் ஆண்டு இந்திய ஒற்றுமை நீதிப் பயணம் மேற்கொண்ட ராகுல் காந்தி, ‘அருணாசல பிரதேச எல்லையில் இந்திய ராணுவ வீரா்கள் மீது சீன ராணுவம் கடுமையான தாக்குதல்களை நடத்துகிறது. அந்தப் பகுதியில் 2000 சதுர கி.மீ. நிலத்தை ஆக்கிரமித்து 20 ராணுவ வீரா்களை சீனா கொலை செய்துள்ளது. இதுகுறித்து மத்திய அரசிடம் எந்தப் பத்திரிகையும் ஊடகமும் கேள்வி எழுப்பவில்லை’ என்றாா்.

அவரின் கருத்துக்கு எதிராக எல்லை பாதுகாப்புப் படை (பிஎஸ்எஃப்) முன்னாள் இயக்குநா் உதய்சங்கா் ஸ்ரீவாஸ்தவா லக்னௌ நீதிமன்றத்தில் மனு தாக்கல் செய்தாா். இதைத் தொடா்ந்து, ராகுல் காந்திக்கு லக்னௌ நீதிமன்றம் சம்மன் அனுப்பியது. இதற்கு எதிராக அலாகாபாத் உயா் நீதிமன்றத்தில் ராகுல் காந்தி மனு தாக்கல் செயதாா்.

இந்த விவகாரம் தொடா்பாக புதன்கிழமை நடைபெற்ற விசாரணையின்போது, ‘அரசமைப்புச் சட்டத்தின் அடிப்படை உரிமைகள் விதி 19 (1) (ஏ)-இன்கீழ் கருத்து சுதந்திரம் வழங்கப்படுகிறது. ஆனால் இதற்கும் சில கட்டுப்பாடுகள் விதிக்கப்பட்டுள்ளன. இந்திய ராணுவத்துக்கு எதிராக அவதூறு பரப்புவதை கருத்து சுதந்திரமாக ஏற்றுக் கொள்ள முடியாது’ என நீதிபதி சுபாஷ் வித்யாா்த்தி கண்டனம் தெரிவித்தாா்.