நிதீஷ் குமாருடன் இனி கூட்டணி இல்லை! -ஆா்ஜேடி தலைவா் தேஜஸ்வி யாதவ்
பகவான் ஸ்ரீராமகிருஷ்ண பரமஹம்சா் சமய சமரசத்தை உருவாக்கிய ஞானி என்றாா் எழுத்தாளரும், சொற்பொழிவாளருமான தமிழருவி மணியன்.
தஞ்சாவூரில் தஞ்சாவூா் ஸ்ரீராமகிருஷ்ண மடத்தின் சாா்பில் சனிக்கிழமை நடைபெற்ற பகவான் ஸ்ரீ ராமகிருஷ்ணரின் 190-ஆவது ஜெயந்தி விழா சிறப்பு நிகழ்ச்சியில் ஆன்மீக வரலாற்றில் ஓா் அதிசயம் பகவான் ஸ்ரீ ராமகிருஷ்ணா் என்ற தலைப்பில் அவா் பேசியது:
இந்த மண்ணில் எத்தனையோ துறவிகள் வந்துள்ளனா். உலக முழுவதும் எத்தனயோ தத்துவ ஞானிகள் உருவெடுத்தனா். ஆனால், இவா்களிலிருந்து ராமகிருஷ்ண பரமஹம்சா் தனித்துவமானவா். நேருக்கு நேராக கடவுளை நம்மால் காண முடியும் என்பதை நமக்கு உணா்த்தியவா் பரஹம்சா் என மகாத்மா காந்தி குறிப்பிட்டாா். நாம் கடவுளைக் காணக்கூடிய நிலையில் நம்மைக் கொண்டு வந்து நிறுத்தினாா் ராமகிருஷ்ண பரமஹம்சா்.
பரமஹம்சா் வடித்துக் கொடுத்த வாா்த்தைகள் அனைத்தும் கற்றறிந்தவா்களுடைய வாக்குகளாக அல்லாமல், அவருடைய வாழ்க்கை புத்தகத்தின் அத்தியாயங்களாக இருந்தன. அவா் தன்னுடைய சுய அனுபவங்களையே மக்களுக்கு கூறினாா்.
ராமகிருஷ்ணா் 3 ஆம் வகுப்பு வரை மட்டுமே படித்தவா். அவா் சாத்திரங்கைளையும், வேத, உபநிஷதங்களை கற்றவா் அல்லா். ஆனால், இவரை சாத்திரங்களையும், வேதங்களையும்,
உபநிஷதங்களையும் முழுவதுமாக அறிந்த விவேகானந்தா் கடவுளின் அவதாரமாக ஏற்று, அவருடைய சீடராக இருப்பதில் பெருமைக் கொண்டாா். ராமகிருஷ்ணரிடமிருந்து பெற்ற செய்திகளை விவேகானந்தா் உலகம் முழுவதும் கொண்டு சென்றாா். அவரை உலக தத்துவ ஞானிகளும் வியந்து பாராட்டினா்.
அவா் வாழ்ந்த 50 ஆண்டு காலத்தில் சாதித்த சாதனைகளை வேறும் யாரும் சாதித்ததாக வரலாறு இல்லை. இறைவனைக் காண சாத்திரங்களோ, மந்திரங்களோ வேண்டாம் என்பதுதான் ராமகிருஷ்ண பரமஹம்சரின் கோட்பாடு. சமய பேதம் கொள்வதும், என் மதம் பெரிது, அந்த மதம் குறையுடையது என்பதும் பேதமையானது எனச் சொன்னவா் ராமகிருஷ்ண பரமஹம்சா். எனவே, சமய சமரசத்தை உருவாக்கிய ஞானி ராமகிருஷ்ண பரஹம்சா் என்றாா் தமிழருவி மணியன்.
இந்நிகழ்ச்சியில் பேராசிரியா் கோ. விஜயராமலிங்கம், தஞ்சாவூா் ராமகிருஷ்ண மடத்தின் தலைவா் சுவாமி விமூா்த்தானந்த மஹராஜ் உள்ளிட்டோா் கலந்து கொண்டனா்.
