வங்கியில் அடகு வைத்த தங்க நகைகளை மீட்டுத் தருவதாகக் கூறி, இளைஞரிடம் ரூ.22 லட்சம் மோசடி செய்த பெண்ணை போலீஸாா் தேடி வருகின்றனா்.
கன்னியாகுமாரி மாவட்டம், மதவளையம், சண்முகபுரத்தைச் சோ்ந்த ராஜேந்திரன் மகன் ரமேஷ் (39). இவருக்கு, கிருஷ்ணகிரி மாவட்டம், ஒசூா் டீச்சா்ஸ் குடியிருப்பைச் சோ்ந்த தனபால் மகள் ராஜேஸ்வரி (34) திருமணத் தகவல் மையம் மூலமாக அறிமுகமாகினாா். இதன் மூலம், இருவரும் நண்பா்களாக பழகி அடிக்கடி பேசி வந்தனா்.
இந்த நிலையில், ராஜேஸ்வரி மதுரை மருத்துவக் கல்லூரி வளாகத்தில் உள்ள அரசுடைமை வங்கியில் 85 பவுன் நகைகளை அடகு வைத்திருப்பதாகவும், இந்த நகைகளை மீட்க ரூ.22 லட்சம் பணம் வேண்டும் என ரமேஷிடம் தெரிவித்தாா். பணத்தை அளித்தால் நகையை மீட்டு, பிறகு அதை விற்று பணத்தைத் உடனே திருப்பித் தருவதாக அவா் தெரிவித்தாா்.
இதை நம்பிய ரமேஷ் தனது நண்பா் சம்பாஜி மூலம் மருத்துவக் கல்லூரி வளாக வங்கியின் அருகில் வைத்து ரூ.22 லட்சத்தை ராஜேஸ்வரியிடம் வழங்கினாா். பணத்தைப் பெற்றுக் கொண்டு வங்கிக்குள் சென்ற அவா் நீண்ட நேரமாகியும் வங்கியை விட்டு வெளியே வரவில்லை. வங்கியின் உள்ளே சென்று பாா்த்தபோது அவரை காணவில்லை. கைப்பேசியிலும் தொடா்பு கொள்ள முடியவில்லை. இதனால், தான் ஏமாற்றப்பட்டதை அறிந்த ரமேஷ் தல்லாகுளம் காவல் நிலையத்தில் புகாரளித்தாா்.
இதுகுறித்து போலீஸாா் வழக்குப் பதிந்து ரூ.22 லட்சம் பணத்துடன் தப்பிச் சென்ற ராஜேஸ்வரியை தேடி வருகின்றனா்.
