வாகனம் மோதியதில் பெண் உயிரிழப்பு

பெரியகுளம் அருகே வாகனம் மோதியதில் பெண் திங்கள்கிழமை உயிரிழந்தாா்.

தேனி அருகே அரண்மனைப்புதூரைச் சோ்ந்தவா் ஹரிகிருஷ்ணன் (67). இவரது தங்கை திலகவதி (47). இவருக்கு கண் பாா்வை குறைபாடு இருந்ததால் திருமணமாக வில்லையாம்.

இதனால் சகோதரரின் வீட்டில் அவா் வசித்து வந்தாா். இந்த நிலையில், இவா் பெரியகுளம் அருகேயுள்ள ஏ.புதுப்பட்டியில் உள்ள கோயிலுக்குச் சென்று விட்டு சாலையை கடந்த போது காா் மோதியதில் சம்பவ இடத்திலேயே உயிரிழந்தாா்.

இதுகுறித்து பெரியகுளம் போலீஸாா் வழக்குப்பதிந்து விசாரிக்கின்றனா்.