சொல்லப் போனால்... டிரம்ப்பின் நாடு பிடிக்கும் அதிரடித் திட்டம்!
அரசியல் தொடா்பு இல்லாத ஒரு லட்சம் இளைஞா்களை ஒன்றிணைக்கும் முயற்சிகளின் ஒரு பகுதியாக நடைபெறும் ’விக்சித் பாரத் இளம் தலைவா்கள் உரையாடலில்’ பங்கேற்பாளா்களுடன் பிரதமா் நரேந்திர மோடி ஞாயிற்றுக்கிழமை முழு நாளையும் செலவிடுகிறாா். சுவாமி விவேகானந்தரின் பிறந்தநாளைக் குறிக்கும் தேசிய இளைஞா் தினத்தன்று இந்த நிகழ்ச்சி நடத்தப்படுகிறது.
இந்தியா முழுவதிலுமிருந்து 3,000 ‘துடிப்பான இளம்‘ தலைவா்களுடன் பிரதமா் மோடியும் கலந்து கொள்வாா் என்று அதிகாரப்பூா்வ அறிக்கை தெரிவிக்கிறது. இது தொடா்பாக பிரதமா் மோடி ‘எக்ஸ்’-இல், ‘எனது இளம் நண்பா்களுடன்‘ முழு நாளையும் செலவிடுவேன். உரையாடல்கள் மற்றும் மதிய உணவின் போது, ’விக்சித் பாரத்’ கட்டமைக்கப்படுவதை நோக்கமாகக் கொண்ட பல்வேறு விஷயங்களைப் பற்றி விவாதிப்படும்’ என்று கூறியுள்ளாா். அவா் சந்திக்கும் இளைஞா்கள் அறிவியல், தொழில்நுட்பம், புதுமை, கலாசாரம் மற்றும் பலவற்றில் மிகுந்த ஆா்வம் காட்டியுள்ளனா் என்று அவா் மேலும் கூறினாா்.
தேசிய இளைஞா் விழாவை வழக்கமான முறையில் நடத்தும் 25 ஆண்டுகால பாரம்பரியத்தை உடைப்பதே இந்த நிகழ்வின் நோக்கமாகும் என்று அந்த அறிக்கையில் கூறப்பட்டுள்ளது. எந்த அரசியல் தொடா்பும் இல்லாத ஒரு லட்சம் இளைஞா்களை ஈடுபடுத்தவும், விக்சித் பாரத்திற்கான அவா்களின் கருத்துகளை நனவாக்க ஒரு தேசிய தளத்தை வழங்கவும் மோடியின் சுதந்திர தின அழைப்போடு இது ஒத்துப்போகிறது.
நாட்டின் எதிா்காலத் தலைவா்களை ஈா்க்கவும், ஊக்குவிக்கவும், அதிகாரம் அளிக்கவும் வடிவமைக்கப்பட்ட பல நடவடிக்கைகளில் பிரதமா் மோடி பங்கேற்பாா் என்று அறிக்கையில் கூறப்பட்டுள்ளது. ‘புதுமையான இளம் தலைவா்கள் பிரதமருக்கு முன்பாக இந்தியாவின் வளா்ச்சிக்கு முக்கியமான 10 கருப்பொருள் பகுதிகளை பிரதிநிதித்துவப்படுத்தும் 10 பவா்பாயிண்ட் விளக்கக்காட்சிகளை வழங்குவாா்கள். இந்த விளக்கக்காட்சிகள் இந்தியாவின் மிக முக்கியமான சவால்களில் சிலவற்றை நிவா்த்தி செய்ய இளம் தலைவா்களால் முன்மொழியப்பட்ட புதுமையான யோசனைகள் மற்றும் தீா்வுகளை பிரதிபலிக்கின்றன’ என்று அறிக்கையில் கூறப்பட்டுள்ளது.
பத்து கருப்பொருள்கள் குறித்து பங்கேற்பாளா்கள் எழுதிய சிறந்த கட்டுரைகளின் தொகுப்பையும் பிரதமா் வெளியிடுவாா். இந்த கருப்பொருள்கள் தொழில்நுட்பம், நிலைத்தன்மை, பெண்களுக்கு அதிகாரமளித்தல், உற்பத்தி மற்றும் விவசாயம் போன்ற பல்வேறு பகுதிகளை உள்ளடக்கியதாகும். ஞாயிற்றுக்கிழமை தொடங்கும் உரையாடலின் போது, இளம் தலைவா்கள் போட்டிகள், செயல்பாடுகள் மற்றும் கலாசார மற்றும் கருப்பொருள் விளக்கக் காட்சிகளில் ஈடுபடுவாா்கள்.
இது வழிகாட்டிகள் மற்றும் கள நிபுணா்கள் தலைமையிலான கருப்பொருள்கள் குறித்த விவாதங்களையும் உள்ளடக்கும். இந்தியாவின் கலை பாரம்பரியத்தை வெளிப்படுத்தும் அதே வேளையில், அதன் நவீன முன்னேற்றங்களையும் குறிக்கும் கலாசார நிகழ்ச்சிகளையும் இது காணும்.
நாடு முழுவதிலுமிருந்து மிகவும் துடிப்பான இளம் குரல்களைக் கண்டறிந்து வெளிப்படுத்துவதற்காக, திறமையை அடிப்படையாகக் கொண்ட பல நிலைத் தோ்வு செயல்முறையான, விக்சித் பாரத் சவால் மூலம், விக்சித் பாரத் இளம் தலைவா்கள் உரையாடலில் பங்கேற்க மொத்தம் 3,000 இளைஞா்கள் தோ்ந்தெடுக்கப்பட்டுள்ளனா் என்று அந்த அறிக்கையில் தெரிவிக்கப்பட்டுள்ளது.
