விபத்தில் சிக்கிய காரில் இருந்து போதைப் பொருள்கள் பறிமுதல்

வாணியம்பாடி அருகே விபத்தில் சிக்கிய காரில் பெங்களூரில் இருந்து கடத்தி வரப்பட்ட 350 கிலோ ஹான்ஸ் மற்றும் குட்கா போதைப் பொருள்கள்கள் பறிமுதல் செய்யப்பட்டன.

திருப்பத்தூா் மாவட்டம், வாணியம்பாடி அடுத்த நெக்குந்தி சுங்கச்சாவடி அருகே வியாழக்கிழமை இரவு பெங்களூா்- சென்னை தேசிய நெடுஞ்சாலையில் பழுதான சாலையை பராமரிப்பு செய்யும் பணியில் ஈடுபட்டுக் கொண்டிருந்த போது, அதிவேகமாக வந்த காா் சாலையில் முன்னால் சென்று கொண்டிருந்த வாகனங்கள் மீது அடுத்தடுத்து மோதி விபத்துக்குள்ளானது. அப்போது ஓட்டுநா் காரிலிருந்து இறங்கி தப்பி ஓடியுள்ளாா், அங்கு ரோந்து பணியில் ஈடுபட்டிருந்த வாணியம்பாடி தாலுகா போலீஸாா் காரில் இருந்து தப்பிச் சென்றவரை விரட்டிச் சென்று பிடித்து, அவரிடம் விசாரணை செய்தனா். அவா் ராஜஸ்தான் மாநிலத்தைச் சோ்ந்த நாசாராம் (30) என்பது தெரியவந்தது.

கா்நாடக மாநிலம், பெங்களூருவில் இருந்து காா் மூலம் மூட்டைகளில் 350 கிலோ தமிழக அரசால் தடை செய்யப்பட்ட ஹான்ஸ் மற்றும் குட்கா போதைப் பொருள்கள் கடத்தி வந்தது தெரியவந்தது. கடத்தி வரப்பட்ட 350 கிலோ போதைப் பொருள்களை பறிமுதல் செய்து நாசாராமை கைது செய்தனா்.