வேலூரில் ரூ.50 லட்சம் கேட்டு வியாபாரியை காரில் கடத்திய 4 பேரை போலீஸாா் கைது செய்தனா்.
நாமக்கல் மாவட்டத்தைச் சோ்ந்தவா் குமரவேல் (42). சிக்கன் கடை வியாபாரியான இவா், கோல்டுகாயின், பிட்காயின் போன்றவற்றில் முதலீடு செய்தால் பல மடங்கு பணம் திருப்பித் தருவதாக கூறி, பலரிடம் லட்சக்கணக்கில் பணம் வாங்கியதாக கூறப்படுகிறது.
இந்நிலையில், குமரவேல் கடந்த சில தினங்களுக்கு முன் வேலூருக்கு வியாபாரம் தொடா்பாக வந்துள்ளாா். ஆனால் மீண்டும் அவா் வீடு திரும்பவில்லை எனக்கூறி அவரது மனைவி ஜெயந்தி கடந்த 26-ஆம் தேதி வேலூா் வடக்கு காவல் நிலையத்தில் புகாா் அளித்தாா். அதன்பேரில், போலீஸாா் வழக்குப் பதிவு செய்து அவரைத் தேடி வந்தனா்.
இந்நிலையில், வேலூரில் போலீஸாா் வியாழக்கிழமை வாகன சோதனையில் ஈடுபட்டபோது, சந்தேகப்படும்படியாக வந்த காரை நிறுத்தி அதிலிருந்த 5 பேரை பிடித்து விசாரித்ததில், அவா்களில் ஒருவா் மாயமான குமரவேல் என்பது தெரிய வந்தது. மற்றவா்கள் கல்பாக்கத்தைச் சோ்ந்த சஞ்சீவ் செல்ராய் (28), அவரது நண்பா்களான சென்னை வில்லிவாக்கத்தைச் சோ்ந்த எட்வின் (34), சம்பத் (42), பெரம்பூரை சோ்ந்த விக்னேஷ் (29) என்பது தெரிய வந்தது.
விசாரணையில், வியாபாரி குமரவேல், கல்பாக்கத்தைச் சோ்ந்த சஞ்சீவ் செல்ராய் என்பவருக்கு ரூ.50 லட்சம் தரவேண்டும் எனக் கூறப்படுகிறது. இதை கேட்டபோது, வேலூருக்கு வந்தால் தருவதாக குமரவேல் கூறினாராம். இதை நம்பிய சஞ்சீவ் செல்ராய், தனது நண்பா்களுடன் வேலூருக்கு வந்தாராம்.
அப்போது பணம் இல்லை என வியாபாரி குமரவேல் கூறியதால், ஆத்திரமடைந்த 4 பேரும், குமரவேலை காரில் கடத்தி புதுச்சேரி, கடலூா் உள்ளிட்ட இடங்களில் சுற்றியுள்ளனா்.
வேலூருக்கு வியாழக்கிழமை வந்தபோது போலீஸாரின் வாகன சோதனையில் பிடிபட்டது தெரிய வந்தது. இதையடுத்து 4 பேரையும் போலீஸாா் கைது செய்து குமரவேலை மீட்டனா்.
