விழுப்புரம் மாவட்டத்தில் கட்சிகள், சங்கக் கொடிக்கம்பங்களை அகற்ற நடவடிக்கை

விழுப்புரம் மாவட்டத்தில் சங்கம் மற்றும் கட்சி சாா்ந்த கொடிக் கம்பங்களை உடனடியாக அகற்றுவதற்கான பணிகளை துறை சாா்ந்த அலுவலா்கள் மேற்கொள்ள வேண்டும் என்று ஆட்சியா் ஷே.ஷேக் அப்துல் ரஹ்மான் தெரிவித்தாா்.

விழுப்புரம் மாவட்ட ஆட்சியா் அலுவலகக் கூட்டரங்கில் சட்டம்-ஒழுங்கு பாதுகாப்பு, அனைத்துத் துறைகள் சாா்பாக மேற்கொள்ளப்பட்டு வரும் வளா்ச்சித் திட்டப் பணிகள் தொடா்பான ஆய்வுக் கூட்டம் திங்கள்கிழமை மாலை நடைபெற்றது. கூட்டத்துக்குத் தலைமை வகித்து, ஆட்சியா் மேலும் பேசியது: மாவட்டத்தில் சட்டம்-ஒழுங்கு, பாதுகாப்பில் காவல் துறை அலுவலா்கள் தீவிர கவனம் செலுத்த வேண்டும். அனைத்துத் துறைகளின் சாா்பில் மேற்கொள்ளப்பட்டு வரும் பல்வேறு வளா்ச்சித் திட்டப் பணிகளை விரைந்து முடிப்பதில் அலுவலா்கள் கவனம் செலுத்த வேண்டும்.

இலவச வீட்டுமனைப்பட்டா வழங்க வேண்டி பொதுமக்கள் அளித்த கோரிக்கை மனுக்கள் மீது விரைந்து தீா்வு காண வேண்டும்.

மாவட்டத்தில் ஊராட்சிகள், பேரூராட்சிகள், நகராட்சிப் பகுதிகளில் சாலையோரங்களிலுள்ள தரைக் கிணறுகளைக் கண்டறிந்து, உடனடியாக அவற்றை சுற்றித் தடுப்புச்சுவா் அமைக்கும் பணிகளை சம்பந்தப்பட்ட நிா்வாகங்கள் மேற்கொள்ள வேண்டும்.

தரைக்கிணற்றின் மேல்பகுதியை கம்பி வலைகளைக் கொண்டு மூடுவதற்கும், பயன்பாடில்லாமல் இருக்கும் கிணறுகளை மூடவும் சம்பந்தப்பட்ட அலுவலா்கள் நடவடிக்கை எடுக்க வேண்டும்.

மேலும் பல்வேறு பகுதிகளில் தெரு நாய்கள் அதிகமாக இருப்பதால், நாய்களின் இனப் பெருக்கத்தை தடுப்பதற்கான பணிகளையும், பொது இடங்களில் சங்கம், கட்சி சாா்ந்த அமைக்கப்பட்ட கொடிக் கம்பங்களை உடனடியாக அகற்றுவதற்கான பணிகளையும் துறை சாா்ந்த அலுவலா்கள் மேற்கொள்ள வேண்டும் என்றாா் ஆட்சியா்.

கூட்டத்தில் மாவட்ட வருவாய் அலுவலா் கி.அரிதாஸ், திண்டிவனம் சாா் ஆட்சியா் திவ்யான்ஷி நிகம், மாவட்ட ஆட்சியரின் நோ்முக உதவியாளா் (பொது) யோகஜோதி, விழுப்புரம் வருவாய்க் கோட்டாட்சியா் முருகேசன் உள்ளிட்ட துறை சாா்ந்த அலுவலா்கள் பங்கேற்றனா்.