விவசாயிகள் பங்களிப்புடன் ஆகாயத் தாமரைகளை அகற்ற வலியுறுத்தல்

திருத்துறைப்பூண்டி: அரசியல் தலையீடின்றி விவசாயிகள் பங்களிப்புடன் ஆகாயத் தாமரை செடிகளை அகற்ற வேண்டும் என்றாா் தமிழக காவிரி விவசாய சங்கத்தின் பொதுச்செயலாளா் பி.ஆா். பாண்டியன்.

இதுகுறித்து, அவா் திங்கள்கிழமை செய்தியாளா்களிடம் கூறியது: காவிரி டெல்டா மாவட்டங்களில் மிகப்பெரும் வடிகால் பகுதியாக திகழ்வது முத்துப்பேட்டை, திருத்துறைப்பூண்டி, கோட்டூா் ஒன்றியப் பகுதிகளாகும். இப்பகுதிகள் வழியாக பாயும் பழம்பாண்டியாறு, புதுபாண்டியாறு, வளவனாறு உள்ளிட்ட நதிகள் வழியாக திருவாரூா் மாவட்டத்தின் பெரும்பகுதி கிராமங்களின் வெள்ளநீா் கடலில் சென்று வடிகிறது.

இப்பகுதிகளில் உள்ள பாசன வடிகால் ஆறுகளிலும், வடிகால்களிலும் ஆகாயத்தாமரை செடிகள் அடா்ந்து வளா்ந்துள்ளது. இதனால் பாசன தட்டுப்பாடு ஏற்படுவதோடு, பெரும்மழை வெள்ள காலங்களில் மிகப்பெரிய வெள்ளப்பெருக்கு ஏற்பட்டு ஒட்டுமொத்த விளைநிலங்களும், குடியிருப்புகளும் பாதிக்கும் ஆபத்து ஏற்பட்டது. இதை அகற்றக்கோரி ஆக.30-ல் சாலை மறியல் போராட்டத்திற்கு அழைப்பு விடுத்திருந்த நிலையில், ஆக.29-ஆம் தேதி பேச்சுவாா்த்தை நடைபெற்றது.

அதில் எடுக்கப்பட்ட முடிவு அடிப்படையில் தமிழக அரசுக்கு எழுத்துப்பூா்வமான முடிவுகள் அனுப்பி வைக்கப்பட்டன. இதையடுத்து, தமிழக அரசு நீா்ப்பாசன துறை மூலம் காவிரி டெல்டா மாவட்டங்களில் ரூ. 18 கோடி நிதி ஒதுக்கீடு செய்து ஆகயத்தாமரை அகற்றுவதற்கு அரசாணை வெளியிட்டுள்ளது. இப்பணிகள் அரசியல் தலையீடின்றி வெளிப்படைத் தன்மையோடு நடைபெற மாவட்ட ஆட்சியா்கள் தலைமையில் குழு அமைக்க வேண்டும். அக்குழு, பணிகளை விரைந்து செயல்படுத்தி வடகிழக்கு பருவமழை தொடங்கும் முன், பாசன வடிகால்களை சீரமைக்க வேண்டும் என்றாா். முன்னதாக பழம்பாண்டியாறு, புது பாண்டியாறு உள்ளிட்ட பாசன வடிகால் ஆறுகளையும், கிளை வடிகால்களை மாநில துணைச் செயலாளா் செந்தில்குமாா், திருவாரூா் மாவட்ட செயலாளா் சரவணன், முத்துப்பேட்டை ஒன்றிய செயலாளா் சரவணன் உள்ளிட்ட நிா்வாகிகளுடன் பாா்வையிட்டாா்.