விவோ ஒய் 400 5ஜி இந்தியாவில் அறிமுகமாவது எப்போது? சிறப்புகள் என்னென்ன?

விவோ நிறுவனத்தில் புதிதாக ஒய் 400 5ஜி என்ற ஸ்மார்ட்போன் அறிமுகமாகவுள்ளது. இந்தியாவில் அறிமுகமாகும் தேதியை அந்நிறுவனம் அதிகாரப்பூர்வமாக அறிவித்துள்ளது.

விவோ நிறுவனத்தின் புகழ் பெற்ற ஒய் வரிசையில் மீண்டும் புதிய ஸ்மார்ட்போன் அறிமுகமாகவுள்ளதால் இதன் மீதான எதிர்பார்ப்பு இந்திய சந்தையில் அதிகரித்துள்ளது. அதோடுமட்டுமின்றி, முந்தைய ஸ்மார்ட்போன்களில் இருந்து வேறுபடும் வகையில் எண்ணற்ற செய்யறிவு அம்சங்களைக் கொண்டதாக அறிமுகமாகிறது விவோ ஒய் 400 5ஜி.

விவோ ஒய் 400 5ஜி ஸ்மார்ட்போன், ஜூன் 20ஆம் தேதி பிற்பகல் 12 மணிக்கு இந்திய சந்தையில் அறிமுகமாகவுள்ளதாக விவோ அறிவித்துள்ளது.

வெண்மை மற்றும் வெள்ளி நிறத்தில் வரவுள்ள இந்த ஒய் 400 5ஜி, முந்தைய ஸ்மார்ட்போன்களை விட சற்று அளவில் பெரியது. முன்பக்கம் இரு கேமராக்களுடன் எல்.இ.டி. விளக்கும் இதில் வழங்கப்பட்டுள்ளது.

சிறப்புகள் என்னென்ன?

வளைந்த 3D திரையுடன் மிகவும் மெலிதான வடிவமைப்பு விவோ ஒய் 400 5ஜி ஸ்மார்ட்போனுக்கு கொடுக்கப்பட்டுள்ளது. இந்தியாவில் உள்ள மெலிதான வடிவமுடைய ஸ்மார்ட்போன்களில் இதுவும் ஒன்றாக இடம்பெறும்.

திரையின் வெளிச்சம் 4500nits அளவுக்கு இருக்கும். பயன்படுத்துவதற்கு சுமூகமாக இருக்கும் வகையில் 120Hz திறன் கொடுக்கப்பட்டுள்ளது.

மீடியாடெக் டைமன்சிட்டி 7300 புராசஸர் உடையது. 256GB நினைவகவும் 8GB உள்நினைவகமும் கொண்டது.

ஏஐ டிரான்ஸ்கிரிப்ட், ஏஐ சூப்பர்லிங்க், ஏஐ நோட் அசிஸ்டென்ட், ஏஐ ஸ்கிரீன் டிரான்ஸ்லேஷன் உள்ளிட்ட செய்யறிவு அம்சங்கள் கொடுக்கப்பட்டுள்ளன.

இந்திய சந்தையில் இதன் அறிமுக விலை ரூ. 25,000 என நிர்ணயிக்கப்பட்டுள்ளது. நினைவக திறனின் அளவைப் பொறுத்து விலை மாறுபடும்.

இதையும் படிக்க | விரைவில் அறிமுகமாகிறது ஒன்பிளஸ் பேட் லைட்! சிறப்புகள் என்னென்ன?