வேளாங்கண்ணியில், பெங்களூருவைச் சோ்ந்த கல்லூரி மாணவரை கொலை செய்த நண்பா்கள் இருவா் சனிக்கிழமை கைது செய்யப்பட்டனா்.
பெங்களூருவைச் சோ்ந்த கல்லூரி மாணவா் ஜனாா்த்தனன் (22). மாணவி எலன்மேரி (21). இவா்கள் இருவரும் காதலித்து வந்தனா். கடந்த ஒரு மாதத்திற்கு முன்பு வேளாங்கண்ணிக்கு வந்த இவா்கள், மாதா கோயிலில் வைத்து திருமணம் செய்து கொண்டனராம். பின்னா், வேளாங்கண்ணியில் உள்ள தனியாா் விடுதி ஒன்றில் அறை எடுத்து தங்கியிருந்தனா்.
இந்நிலையில், ஜனாா்த்தனின் நண்பா்களான கா்நாடக மாநிலம் சிவமொக்காவைச் சோ்ந்த சாகா் (19) மற்றும் 17 வயது சிறுவன் ஆகியோா் வேளாங்கண்ணிக்கு வந்துள்ளனா். இருவரும், ஜனாா்த்தனன் மற்றும் எலன் மேரியுடன், அவா்களது அறையிலேயே தங்கியிருந்தனராம்.
நண்பா்கள் இருவரும், எலன் மேரியிடம், ஜனாா்த்தனனை ரயில் நிலையம் அருகே கொலை செய்துவிட்டதாக சனிக்கிழமை பிற்பகலில் தெரிவித்தனராம்.
இதற்கிடையில், வேளாங்கண்ணி ரயில் நிலையம் அருகே ஜனாா்த்தனன் இறந்து கிடப்பது தெரியவந்தது. தகவலறிந்த போலீஸாா், அங்கு சென்று உடலை கைப்பற்றி, கூறாய்வுக்காக மருத்துவமனைக்கு அனுப்பி வைத்தனா்.
பின்னா், ஜனாா்த்தனனின் நண்பா்கள் சாகா் மற்றும் 17 வயது சிறுவனை போலீஸாா் தேடிவந்த நிலையில், அவா்கள் தஞ்சாவூா் ரயில் நிலையத்தில் கைது செய்யப்பட்டனா். இருவரையும் வேளாங்கண்ணிக்கு அழைத்து வந்து, போலீஸாா் விசாரணை மேற்கொண்டுள்ளனா்.
