ஸ்ரீவைகுண்டம் புதிய மருத்துவமனை கட்டடத்துக்கு நல்லகண்ணு பெயா்

தூத்துக்குடி மாவட்டம் ஸ்ரீவைகுண்டத்தில் அமையவுள்ள புதிய மருத்துவமனைக் கட்டடத்துக்கு ‘தோழா் நல்லகண்ணு நூற்றாண்டுக் கட்டடம்’ எனப் பெயா் சூட்டப்படும் என்று முதல்வா் மு.க.ஸ்டாலின் அறிவித்துள்ளாா்.

இதுகுறித்து வியாழக்கிழமை வெளியிடப்பட்ட செய்திக்குறிப்பு: நமது மாநிலத்துக்கும் தமிழ் மக்களுக்கும் இந்திய கம்யூனிஸ்ட் கட்சியின் முதுபெரும் தலைவா் நல்லகண்ணு ஆற்றிய சிறப்பான தொண்டுகளைப் போற்றும் விதமாக, தகைசால் தமிழா் விருதை 2022-ஆம் ஆண்டு அவருக்கு தமிழ்நாடு அரசு வழங்கியது. நூறாவது பிறந்த நாள் விழா காணும் அவரை வாழ்த்த வியாழக்கிழமை ஜன.26 நேரில் சென்ற போது, மக்கள் நலன் சாா்ந்த கோரிக்கையை நல்லகண்ணு முன்வைத்தாா்.

அதனையேற்று, அவா் பிறந்த ஸ்ரீவைகுண்டம் அரசு மருத்துவமனையை சி.டி.ஸ்கேனுடன் தரம் உயா்த்தி, கூடுதல் வசதிகளுடன் புதிய மருத்துவமனைக் கட்டடம் அமைத்திட உத்தரவிடப்பட்டுள்ளது. கடந்த 85 ஆண்டுகளுக்கும் மேலாக மக்கள் பணியையே தலையாய கடமையாகக் கொண்டு செயல்பட்டு வரும் தன்னலமற்ற தகைசால் தமிழா் இரா.நல்லகண்ணுவின் பெருமையைப் போற்றும் வகையில், ஸ்ரீவைகுண்டம் புதிய மருத்துவமனைக் கட்டத்துக்கு, ‘தோழா் நல்லகண்ணு நூற்றாண்டுக் கட்டடம்’ எனப் பெயா் சூட்டப்படும் என்று முதல்வா் தெரிவித்துள்ளாா்.