தடுப்பூசி தவணையை செலுத்தாத குழந்தைகளுக்காக டிச.31 வரை சிறப்பு முகாம்
கடந்த பத்தாண்டுகளில் ரூ.150 கோடி மதிப்பிலான 365 தமிழக படகுகளை இலங்கை அரசு தேசியமயமாக்கியுள்ளது.
தகவல் அறியும் உரிமைச் சட்டத்தின்கீழ் (ஆா்டிஐ) இலங்கையில் உள்ள இந்திய தூதரகத்திடம் இருந்து தி நியூ இந்தியன் எக்ஸ்பிரஸ் பெற்ற தரவுகள் மூலம் இது தெரியவந்துள்ளது.
அதில், ‘கடந்த 2014 முதல் 2024, ஆகஸ்ட் வரை இலங்கை கடற்படையால் மொத்தம் 558 தமிழக மீனவா்கள் படகுகள் பறிமுதல் செய்யப்பட்டன. அதில், நிகழாண்டு பறிமுதல் செய்யப்பட்ட 13 படகுகள் உள்பட ரூ.150 கோடி மதிப்பிலான 365 படகுகள் இலங்கையால் தேசியமயமாக்கப்பட்டது.
மீதமுள்ள 193 படகுகள் விடுவிக்கப்பட்ட நிலையில், சட்டச் சிக்கலால் 21 படகுகள் இன்னும் விடுவிக்கப்படாமல் இலங்கையிலேயே உள்ளன.
இதையடுத்து, 12 படகுகளை மீட்கும் பணி தொடங்கப்பட்டுள்ளது. ஆனால், இதற்கு இலங்கை தரப்பில் தற்போதுவரை அனுமதி வழங்கப்படவில்லை. மீதமுள்ள 9 படகுகளை மீட்பதற்கான பணிகளை தமிழக மீன்வளத்துறை தொடங்கவில்லை என தெரிவிக்கப்பட்டது.
