கள்ளக்குறிச்சி மாவட்டம், தியாகதுருகம் பகுதியில் தொடா் பைக் திருட்டில் ஈடுபட்டு வந்ததாக சிறுவன் உள்பட மூவரை போலீஸாா் சனிக்கிழமை கைது செய்து, அவா்களிடமிருந்து 16 பைக்குகளை பறிமுதல் செய்தனா்.
தியாகதுருகம் காவல் உதவி ஆய்வாளா் ஜெயமணி தலைமையில் போலீஸாா் வெள்ளிக்கிழமை தியாகதுருகம் - விருகாவூா் சாலையில் உள்ள மேம்பாலம் அருகே வாகன சோதனையில் ஈடுபட்டனா்.
அப்போது, பதிவு எண் இல்லாத பைக்கில் வந்த மூவரை நிறுத்தி விசாரித்ததில், கடலூா் மாவட்டம், திட்டக்குடி வட்டம், அரியநாச்சி கிராமத்தைச் சோ்ந்த ஆணி சங்கா் (எ) சங்கா் (40), கள்ளக்குறிச்சி மாவட்டம், தியாகதுருகத்தை அடுத்த கொங்கராயபாளையம் கிராமத்தைச் சோ்ந்த குமாா் மகன் குமரேசன் (20) மற்றும் தியாகதுருகம் பகுதியைச் சோ்ந்த 17 வயது சிறுவன் என்பதும், மூவரும் வேப்பூா், தியாகதுருகம், வரஞ்சரம், கச்சிராயபாளையம் பகுதிகளில் தொடா் பைக் திருட்டில் ஈடுபட்டு வந்ததும் தெரியவந்தது.
தொடா்ந்து, திருடிய 16 பைக்குகளை வீட்டின் பின்புறம் மறைத்து வைத்திருந்ததை போலீஸாா் கண்டறிந்து, அவற்றை பறிமுதல் செய்தனா். இதுகுறித்த புகாரின்பேரில், ஆணி சங்கா் (எ) சங்கா், குமரேசன், 17 வயது சிறுவன் ஆகிய மூவா் மீதும் தியாகதுருகம் போலீஸாா் வழக்குப் பதிந்து, அவா்களைக் கைது செய்தனா்.
