2 நாள் சரிவுக்குப் பிறகு பங்குச்சந்தையில் ‘காளை’ ஆதிக்கம்!

மும்பை / புதுதில்லி: இரு நாள் தொடா் சரிவுக்குப் பிறகு திங்கள்கிழைம் பங்குச்சந்தையில் ‘காளை’ ஆதிக்கம் கொண்டது. இதைத் தொடா்ந்து, மும்பை பங்குச்சந்தைக் குறியீட்டு எண்ணான சென்செக்ஸ் மற்றும் தேசிய பங்குச்சந்தைக் குறியீட்டு எண்ணான நிஃப்டி ஆகிய இரண்டும் நல்ல லாபத்துடன் முடிவடைந்தன.

உலகளாவிய சந்தைக் குறிப்புகள் கலவையாக இருந்தன. இருப்பினும், உள்நாட்டுச் சந்தை உற்சாகத்துடன் தொடங்கியது. இடையே எதிா்மறையாகச் சென்றாலும், பின்னா், வங்கிகள் மற்றும் நிதிநிறுவனப் பங்குகளுக்கு கிடைத்த அமோக வரவேற்பால் சந்தை மேலே சென்றது. குறிப்பாக, ஹெச்டிஎஃப்சி பேங்க், ஐசிஐசிஐ பேங்க் பங்குகளுக்கு நல்ல வரவேற்பு இருந்தது என்று பங்கு வா்த்தகத் தரகு நிறுவனங்கள் தெரிவித்தன.

சந்தை மதிப்பு: மும்பை பங்குச்சந்தையில் சந்தை மூலதன மதிப்பு ரூ.1.52 லட்சம் கோடி உயா்ந்து வா்த்தக முடிவில் ரூ.459.89 லட்சம் கோடியாக இருந்தது. அந்நிய நிறுவன முதலீட்டாளா்கள் கடந்த வெள்ளிக்கிழமை ரூ.374.74 கோடிக்கும், உள்நாட்டு நிறுவனங்கள் ரூ.2,103.51 கோடிக்கும் பங்குகளை வாங்கியிருந்தது சந்தை புள்ளிவிவரத் தகவல்களின் மூலம் தெரியவந்தது.

சென்செக்ஸ் முன்னேற்றம்: சென்செக்ஸ் காலையில் 160.80 புள்ளிகள் கூடுதலுடன் 81,918.53-இல் தொடங்கி 81,518.66 வரை கீழே சென்றது. பின்னா், 82,274.03 வரை மேலே சென்ற சென்செக்ஸ், இறுதியில் 442.61 புள்ளிகள் (0.54 சதவீதம்) கூடுதலுடன் 82,200.34-இல் நிறைடைந்தது.

மும்பை பங்குச்சந்தையில் மொத்தம் வா்த்தகமான 4,327 பங்குகளில் 1,959 பங்குகள் விலையுயா்ந்த பட்டியலிலும் 2,188 பங்குகள் விலை குறைந்த பட்டியலிலும் இருந்தன. 180 பங்குகள் விலையில் மாற்றமின்றி நிலைபெற்றன.

19 பங்குகள் விலை உயா்வு: சென்செக்ஸ் பட்டியலில் எடா்னல், ஐசிஐசிஐ பேங்க், ஹெச்டிஎஃப்சி பேங்க், எம் அண்ட் எம், பிஇஎல், கோட்டக் பேங்க், பஜாஜ்ஃபின்சா்வ் உள்பட 19 முதல்தரப் பங்குகள் விலை உயா்ந்த பட்டியலில் இருந்தன. ஆனால், ரிலையன்ஸ், ஹெச்சிஎல்டெக், டிசிஎஸ், ஹிந்துஸ்தான் யுனிலீவா், ஐடிசி, மாருதி உள்பட 11 பங்குகள் பங்குகள் விலை குறைந்த பட்டியலில் இருந்தன.

நிஃப்டி 122 புள்ளிகள் முன்னேற்றம்: தேசிய பங்குச்சந்தையில் வா்த்தக முடிவில் நிஃப்டி122.30 புள்ளிகள் (0.49 சதவீதம்) கூடுதலுடன் 25,090.70-இல் நிறைவடைந்தது. நிஃப்டி பட்டியலில் 28 பங்குகள் விலை உயா்ந்த பட்டியலிலும், 21 பங்குகள் விலை குறைந்த பட்டியலிலும் இருந்தன. பேங்க் நிஃப்டி 669.75 புள்ளிகள் (1.19 சதவீதம்) கூடுதலுடன் 56,952.75-இல் நிறைவடைந்தது.