2020 தில்லி கலவரம்: கபில் மிஸ்ராவுக்கு எதிராக விசாரணை ஏப். 21 வரை நிறுத்திவைப்பு

பிப்ரவரி, 2020-இல் நிகழ்ந்த கலவரம் தொடா்புடைய வழக்கில் தற்போதைய தில்லி சட்ட அமைச்சா் கபில் மிஸ்ராவுக்கு எதிராக மேலும் விசாரணை நடத்துவதற்கான மாஜிஸ்திரேட் நீதிமன்ற உத்தரவை தில்லி நீதிமன்றம் ஏப்ரல் 21 வரை நிறுத்திவைத்து புதன்கிழமை உத்தரவிட்டது.

இந்த விவகாரத்தில் மிஸ்ரா நீதிமன்ற தீா்ப்பை எதிா்த்து தாக்கல் செய்த மனுவை விசாரித்த சிறப்பு நீதிபதி காவேரி பவேஜா அந்த உத்தரவை நிறுத்தி வைத்தாா்.

மேலும், புகாா்தாரா் முகமது இலியாஸுக்கு நீதிமன்றம் நோட்டீஸ் அனுப்பியது. அதில் ஏப்ரல் 21 ஆம் தேதிக்குள் பதிலளிக்குமாறு அவா் கேட்டுக் கொள்ளப்பட்டுள்ளாா்.

முன்னதாக, கூடுதல் தலைமை நீதித்துறை நீதிபதி வைபவ் சௌராசியா ஏப்ரல் 1 ஆம் தேதி இந்த விவகாரத்தை விசாரித்தாா். அப்போது, மிஸ்ராவுக்கு எதிராக மேலும் விசாரணை தேவைப்படும் ஒரு குற்றம் இருப்பதற்கான முகாந்திரம் இருப்பதாக நீதிபதி தெரிவித்தாா்.

மேலும், குற்றம் நடந்ததாகக் கூறப்படும் நேரத்தில் மிஸ்ரா அந்தப் பகுதியில் இருந்தாா் என்பது தெளிவாகிறது. இது தொடா்பாக மேலும் விசாரணை நடத்தும் தேவை உள்ளது. என்று நீதிபதி கூறியிருந்தாா்.

கலவரத்தில் மிஸ்ராவுக்கு எந்தப் பங்கும் இல்லை என்று இலியாஸின் மனுவை தில்லி போலீஸாா் எதிா்த்தனா்.

மிஸ்ரா மீது பழியை மாற்ற ஒரு திட்டம் தீட்டப்படுவதாக காவல்துறை தரப்பில் மாஜிஸ்திரேட்டிடம் தெரிவிக்கப்பட்டது. கலவரத்திற்குப் பின்னால் உள்ள பெரும் சதியில் மிஸ்ராவின் பங்கு ஏற்கனவே விசாரிக்கப்பட்டது என்றும் காவல் துறை தரப்பில் கூறப்பட்டது.

குடியுரிமைச் சட்டத் திருத்தத்திற்கு எதிரான போராட்டங்களைத் தொடா்ந்து, வடகிழக்கு தில்லியில் பிப்ரவரி 24, 2020-ஆம் தேதி வன்முறை வெடித்தது, இதில் 53 போ் கொல்லப்பட்டனா் மற்றும் பலா் காயமடைந்தனா்.