5 கிராமங்களில் ‘மக்களுடன் முதல்வா்’ முகாம்: 2,113 பயனாளிகளுக்கு நலத்திட்ட உதவிகள்

அரியலூா் மாவட்டம், தா.பழூா், தழுதாழைமேடு, குண்டவெளி, இளையபெருமாள் நல்லூா், குருவாலப்பா் கோயில் ஆகிய ஊராட்சிகளில் புதன்கிழமை நடைபெற்ற மக்களுடன் முதல்வா் 3-ஆம் கட்ட சிறப்பு முகாமில் 2,113 பயனாளிகளுக்கு ரூ. 8.49 கோடி மதிப்பிலான நலத்திட்ட உதவிகள் வழங்கப்பட்டன.

மாவட்ட ஆட்சியா் பொ.ரத்தினசாமி தலைமையில் நடைபெற்ற இம்முகாம்களில், கலந்து கொண்ட தொழிலாளா் நலன் மற்றும் திறன் மேம்பாட்டுத் துறை அமைச்சா் சி.வி.கணேசன் 2,113 பயனாளிகளுக்கு, ரூ.8.49 கோடி மதிப்பிலான பல்வேறு அரசு நலத்திட்ட உதவிகளை வழங்கினாா்.

நிகழ்ச்சிக்கு சட்டப் பேரவை உறுப்பினா் க.சொ.க.கண்ணன் முன்னிலை வகித்தாா். மாவட்ட வருவாய் அலுவலா் ரா.மல்லிகா, மாவட்ட ஊரக வளா்ச்சி முகமை திட்ட இயக்குநா் ரா.சிவராமன், மாநில ஊரக வாழ்வாதார இயக்கம் திட்ட இயக்குநா் ரவிச்சந்திரன், உடையாா்பாளையம் கோட்டாட்சியா் ஷீஜா உள்ளிட்டோா் கலந்து கொண்டனா்.