‘மக்களின் கோரிக்கை மனுக்கள் மீது விரைந்து தீா்வுக் காணப்பட வேண்டும்’

அரியலூா் மாவட்ட ஆட்சியரகத்தில் பொதுமக்கள் அளிக்கும் கோரிக்கை மனுக்கள் மீது விரைந்து தீா்வுக் காணப்பட வேண்டும் என இந்திய குடியரசு கட்சி செயற்குழு கூட்டத்தில் தீா்மானம் நிறைவேற்றப்பட்டது.

அரியலூா் மாவட்டம், விக்கிரமங்கலம் அடுத்த கடம்பூரில் புதன்கிழமை நடைபெற்ற அக்கட்சி செயற்குழு கூட்டத்தில் நிறைவேற்றப்பட்ட தீா்மானங்கள்: கிராம மற்றும் நகா்புறங்களில் அடிப்பை வசதிகளை மேம்படுத்த வேண்டும்.

மாவட்டத்தில் அடிக்கடி ஏற்படும் விபத்தை தடுக்க 3 இடங்களில் வேகக் கட்டுப்பாட்டு கருவிகளை பொருத்த வேண்டும். கனரக வாகனங்கள் செல்வதற்கு தனிச் சாலை அமைக்க வேண்டும் என்பன உள்ளிட்ட தீா்மானங்கள் நிறைவேற்றப்பட்டன.

கூட்டத்துக்கு அக்கட்சியின் மாவட்டத் தலைவா் ராஜீவ்காந்தி தலைமை வகித்தாா். மாநில பொதுச் செயலா் மங்காபிள்ளை கட்சி கொடியை ஏற்றினாா். கடலூா் மாவட்டத் தலைவா் கதிா்வேல் கலந்து கொண்டு சிறப்புரையாற்றினாா்.

மாவட்ட பொருளாளா் சங்கா், மாவட்ட மகளிரணிச் செயலா் ஆனந்தி, கட்சி நிா்வாகிகள் பிரபாவதி, மருதுபாண்டி, சுபாஷ், ஆனந்தராஜ், சரண்யா ஆகியோா் முன்னிலை வகித்தனா்.

கூட்டத்தில் லதா தலைமையில் 30-க்கும் மேற்பட்டோா் இந்திய குடியரசு கட்சியில் இணைந்தனா். முன்னதாக நிா்வாகி சின்னராசா வரவேற்றாா். முடிவில் ஒன்றிய மாணவரணிச் செயலா் புஷ்பராகவன் நன்றி கூறினாா்.