நாடக கலைஞா் டிவி வரதராஜனுக்கு நாடக சூடாமணி விருது வழங்கப்படவுள்ளதாக சென்னை ஸ்ரீ கிருஷ்ண கான சபா தெரிவித்துள்ளது.
இதுகுறித்து வெளியிடப்பட்ட செய்திக் குறிப்பு:
ஸ்ரீ கிருஷ்ண கான சபா சாா்பில் நாடக கலைஞா், எழுத்தாளா், நடிகா் மற்றும் இயக்குநரான டிவி வரதராஜனுக்கு நாடக சூடாமணி விருதும், லாவண்யா வேணுகோபாலுக்கு இயக்குநா் சிகரம் கே.பாலசந்தா் நாடகத் துறை சிறப்பு விருதும் வழங்கப்படவுள்ளது.
ஜூன் 26-ஆம் தேதி நாடக விழா தொடங்கவுள்ள நிலையில், பரிசளிப்பு விழா கிருஷ்ண கான சபாவின் தலைவா் நல்லி குப்புசாமி செட்டி தலைமையில் ஜூலை 5-ஆம் தேதி நடைபெறவுள்ளது. இதில், இயக்குநா் எஸ்.பி.முத்துராமன் கலந்துகொண்டு விருதுகளை வழங்கவுள்ளாா்.
கிருஷ்ண கான சபாவின் நாடக விழாவையொட்டி ஜூன் 26 முதல் கில்லாடி மாப்ளே, லட்சுமி கல்யாண வைபோகமே, கபித்வாஜா மற்றும் கானல் நீரோ, என்னடி பெண்ணே, களவு நீக்கிய படலம், இது நியாயமா சாா் ஆகிய நாடகங்கள் அரங்கேற்றப்படவுள்ளதாகத் தெரிவிக்கப்பட்டுள்ளது.
