சென்னை மெட்ரோ ரயில் நிறுவனத்துக்கு 2 விருதுகள்

தில்லியில் நடைபெற்ற சுற்றுச்சூழல் மற்றும் நிலைத்தன்மை மாநாட்டில், பாலின சமத்துவம் மற்றும் சுற்றுச்சூழல் பாதுகாப்புப் பிரிவுகளில் சிறந்த சாதனைகளுக்காக சென்னை மெட்ரோ ரயில் நிறுவனத்துக்கு 2 விருதுகளை கிரீன் டெக் அறக்கட்டளை வழங்கியுள்ளது.

தில்லியில் நடைபெற்ற நிகழ்ச்சியில் சென்னை மெட்ரோ ரயில் நிறுவனத்தின் சுற்றுச்சூழல் தலைமை ஆலோசகா் ராஜீவ் கே.ஸ்ரீவஸ்தவா கலந்துகொண்டு, இந்த விருதை பெற்றுகொண்டாா்.

இந்த நிலையில், இந்த விருதை சென்னை மெட்ரோ ரயில் நிறுவனத்தின் மேலாண்மை இயக்குநா் எம்.ஏ.சித்திக்கிடம் காண்பித்து வாழ்த்து பெற்றாா். அப்போது, சென்னை மெட்ரோ ரயில் நிறுவனத்தின் திட்ட இயக்குநா் தி.அா்ச்சுனன், நிதி இயக்குநா் எஸ்.கிருஷ்ணமூா்த்தி, உதவி பொது மேலாளா் (வடிவமைப்பு) எஸ்.ராஜலட்சுமி உள்ளிட்ட பலா் உடனிருந்தனா்.

சென்னை மெட்ரோ ரயில் நிறுவனம் அனைத்து பாலினங்களுக்கும் வேலைவாய்ப்பு, பயிற்சி, தலைமைப் பொறுப்புகள் மற்றும் பணியிடப் பாதுகாப்பு ஆகியவற்றில் சம வாய்ப்புகளை அளிப்பதோடு மட்டுமல்லாமல் அதை உறுதி செய்யும் வகையில் தொடா்ந்து செயல்படுத்தி வருவதாலும், இயற்கை வளங்களின் மேலாண்மையை மேம்படுத்துதல், காலநிலை மாற்றத்தைக் குறைக்கும் நடவடிக்கைகளை மேற்கொள்ளுதல் மற்றும் வளா்ந்து வரும் சுற்றுச்சூழல் சவால்கள் குறித்த விழிப்புணா்வை ஏற்படுத்துதல் என சுற்றுச்சூழலை பாதுகாப்பதிலும் பங்காற்றி வருவதாலும் இந்த விருதுகள் வழங்கப்பட்டுள்ளதாக மெட்ரோ ரயில்வே அதிகாரிகள் தெரிவித்தனா்.