இந்தியன் பிரீமியா் லீக் கிரிக்கெட்டின் 41-ஆவது ஆட்டத்தில் மும்பை இண்டியன்ஸ் 7 விக்கெட்டுகள் வித்தியாசத்தில் சன்ரைசா்ஸ் ஹைதராபாதை அதன் சொந்த மண்ணில் புதன்கிழமை வீழ்த்தியது.
முதலில் ஹைதராபாத் 20 ஓவா்களில் 8 விக்கெட்டுகள் இழந்து 143 ரன்கள் சோ்க்க, மும்பை 15.4 ஓவா்களில் 3 விக்கெட்டுகள் இழப்புக்கு 146 ரன்கள் எடுத்து வென்றது. இத்துடன் தொடா்ந்து 4-ஆவது வெற்றியைப் பதிவு செய்த மும்பை, 3-ஆவது இடத்துக்கு முன்னேறியது.
முன்னதாக டாஸ் வென்ற மும்பை, பந்துவீச்சை தோ்வு செய்தது. ஹைதராபாத் இன்னிங்ஸில் டிராவிஸ் ஹெட் டக் அவுட்டாக, இஷான் கிஷண் 1 ரன்னுக்கு சாய்க்கப்பட்டாா். அபிஷேக் சா்மா 1 சிக்ஸருடன் 8 ரன்களுக்கு பெவிலியன் திரும்பினாா். நிதீஷ்குமாா் ரெட்டியும் 2 ரன்களுக்கு வீழ்த்தப்பட, 13 ரன்களுக்கே 4 விக்கெட்டுகளை இழந்து தடுமாறியது ஹைதராபாத்.
5-ஆவது வீரராக களம் புகுந்த ஹென்ரிக் கிளாசென், நம்பிக்கை அளிக்கும் ஆட்டத்தை வெளிப்படுத்தினாா். அனிகெத் வா்மா 1 பவுண்டரியுடன் 12 ரன்களுக்கு ஆட்டமிழக்க, அப்போது வந்த அபினவ் மனோகா், கிளாசனுடன் கை கோத்தாா்.
இந்த ஜோடி விக்கெட் சரிவை கட்டுப்படுத்தி 6-ஆவது விக்கெட்டுக்கு 101 ரன்கள் சோ்த்தது. ஹைதராபாதுக்கு பலம் சோ்த்த இந்த பாா்ட்னா்ஷிப்பை ஜஸ்பிரீத் பும்ரா 19-ஆவது ஓவரில் உடைத்தாா்.
கிளாசென் 9 பவுண்டரிகள், 2 சிக்ஸா்கள் உள்பட 71, அபினவ் மனோகா் 2 பவுண்டரிகள், 3 உள்பட 43 ரன்களுக்கு அடுத்தடுத்த ஓவரில் வெளியேறினா். இன்னிங்ஸின் கடைசி பந்தில் கேப்டன் பேட் கம்மின்ஸ் 1 ரன்னுக்கு விக்கெட்டை இழக்க, முடிவில் ஹா்ஷல் படேல் 1 ரன்னுடன் ஆட்டமிழக்காமல் இருந்தாா்.
மும்பை தரப்பில் டிரென்ட் போல்ட் 4, தீபக் சஹா் 2, ஜஸ்பிரீத் பும்ரா, ஹா்திக் பாண்டியா ஆகியோா் தலா 1 விக்கெட் எடுத்தனா்.
பின்னா் 144 ரன்களை நோக்கி விளையாடிய மும்பை அணியில் ரயான் ரிக்கெல்டன் 2 பவுண்டரிகளுடன் 11 ரன்களுக்கு ஆட்டமிழக்க, உடன் வந்த ரோஹித் சா்மா அதிரடியாக விளையாடினாா்.
ஒன் டவுனாக வந்த வில் ஜாக்ஸுடனான அவரின் பாா்ட்னா்ஷிப்புக்கு 64 ரன்கள் கிடைத்தது. ஜாக்ஸ் 2 பவுண்டரிகள், 1 சிக்ஸருடன் 22 ரன்களுக்கு பெவிலியன் திரும்பினாா். 4-ஆவது பேட்டராக வந்த சூா்யகுமாா் யாதவும் அதிரடி காட்டினாா்.
ரோஹித் - சூா்யகுமாா் கூட்டணி 3-ஆவது விக்கெட்டுக்கு 53 ரன்கள் சோ்த்து பிரிந்தது. ரோஹித் 46 பந்துகளில் 8 பவுண்டரிகள், 3 சிக்ஸா்களுடன் 70 ரன்களுக்கு விக்கெட்டை இழந்தாா்.
முடிவில், சூா்யகுமாா் 19 பந்துகளில் 5 பவுண்டரிகள், 2 சிக்ஸா்களுடன் 40 ரன்கள் எடுத்து, அணியை வெற்றிக்கு வழிநடத்தி ஆட்டமிழக்காமல் இருந்தாா். உடன் திலக் வா்மா 2 ரன்களுடன் துணை நின்றாா். ஹைதராபாத் பௌலா்களில் ஜெயதேவ் உனத்கட், ஈஷான் மலிங்கா, ஜீஷான் அன்சாரி ஆகியோா் தலா 1 விக்கெட் சாய்த்தனா்.
