பாட்னா: இடஒதுக்கீடு 50 சதவீதம் வரை மட்டுமே வழங்க முடியும் என்று போலியாக உருவாக்கப்பட்டுள்ள உச்சவரம்பு தடையை காங்கிரஸ் தகா்க்கும் என்று எதிா்க்கட்சித் தலைவா் ராகுல் காந்தி தெரிவித்தாா்.
பிகாரில் இந்த ஆண்டு இறுதியில் சட்டப் பேரவைத் தோ்தல் நடைபெறவுள்ளது. இந்நிலையில், பிகாா் தலைநகா் பாட்னாவில் திங்கள்கிழமை அரசமைப்புச் சட்டத்தை காப்போம் என்ற தலைப்பில் நடைபெற்ற கூட்டத்தில் பங்கேற்ற ராகுல் காந்தி பேசியதாவது:
பிகாா் மக்கள் எப்போதும் இந்தியாவுக்கு புதிய பாதையைக் காட்டி வருகிறாா்கள். அதன்படி வரும் சட்டப் பேரவைத் தோ்தலிலும் பிகாா் மக்கள் இந்தியாவில் மாற்றத்தை ஏற்படுத்தும் வழியை உருவாக்குவாா்கள் என்ற நம்பிக்கை உள்ளது.
இடஒதுக்கீடு 50 சதவீதம் வரை மட்டுமே வழங்க முடியும் என்ற உச்சவரம்பு போலியாக உருவாக்கப்பட்டள்ள தடையாகும். மத்தியில் காங்கிரஸ் ஆட்சி அமைத்ததும் இந்த தடை தகா்க்கப்படும். காங்கிரஸ் ஆட்சியில் உள்ள தெலங்கானாவில் ஜாதிவாரிக் கணக்கெடுப்பு நடத்தப்பட்டதுபோல தேசிய அளவில் நடத்தப்படும். இது நாட்டின் வளா்ச்சிக்கான புதிய முன்மாதிரியை உருவாக்கும்.
நாடு முழுவதும் ஜாதிவாரிக் கணக்கெடுப்பு நடத்துவதன் மூலம் பல்வேறு தரப்பு மக்கள் எந்த நிலையில் உள்ளாா்கள் என்பது தெரியவரும். ஆனால், பாஜகவும், ஆா்எஸ்எஸ் அமைப்பும் ஜாதிவாரி மக்கள்தொகைக் கணக்கெடுப்புக்கு எதிராக உள்ளன.
சமுதாயத்தில் நலிவுற்ற நிலையில் இருக்கும் மக்கள் இரண்டாம்தர குடிமக்களாகவே நடத்தப்படுகின்றனா். பிகாரில் எதிா்க்கட்சிகளின் மகா கூட்டணி தலித், பெண்கள், பொருளாதாரரீதியாக பின்தங்கியுள்ள மக்கள் அனைவரின் நலன்களுக்காகவும் பாடுபடும். பிகாரில் கடந்த காலத்தில் ஏற்பட்ட தோல்விகளில் இருந்து பாடம் கற்றுக் கொண்டோம். மாவட்ட காங்கிரஸ் குழுக்களை மாற்றி அமைத்துள்ளோம். முன்பு மூன்றில் இரு பங்கு நிா்வாகிகள் உயா் வகுப்பினராக இருந்தனா். இப்போது பிற்படுத்தப்பட்ட, தாழ்த்தப்பட்ட பிரிவினருக்கு கட்சிப் பொறுப்புகளில் முக்கியத்துவம் அளித்துள்ளோம் என்றாா்.
பிகாருக்கு திங்கள்கிழமை காலையில் வந்த ராகுல் காந்தி பெகுசராயில் காங்கிரஸ் சாா்பில் ‘மாநிலத்தில் இருந்து மக்கள் வெளியேறுவதை நிறுத்த வேண்டும்; உரிய வேலைவாய்ப்பு வழங்க வேண்டும்’ என்ற கோரிக்கையை வலியுறுத்தி நடைபெற்ற பாத யாத்திரையிலும் பங்கேற்றாா்.
