சின்னர் அசத்தல்: 3ஆவது முறையாக டேவிஸ் கோப்பையை வென்ற இத்தாலி!
சீா்காழி முழுநேர கிளை நூலகத்தில் 57-ஆவது தேசிய நூலக வார விழா நிறைவு நாள் நிகழ்வு புதன்கிழமை நடைபெற்றது.
நவம்பா் 14-ஆம் தேதி தொடங்கிய இவ்விழாவில், புத்தகக் கண்காட்சி நடத்தப்பட்டது. தொடா்ந்து 17-ஆம் தேதி சீா்காழியை சுற்றியுள்ள அனைத்து பள்ளி மாணவ- மாணவிகளுக்கு பேச்சு மற்றும் கட்டுரைப் போட்டிகள் நடத்தி, வெற்றி பெற்றவா்களுக்கு புத்தகங்கள் மற்றும் பரிசுகள் வழங்கப்பட்டன.
தொடா்ந்து 20-ஆம் தேதி நூலக வார விழா நிறைவு நாள் நிகழ்ச்சி நடைபெற்றது. இதில் எழுத்தாளா் மற்றும் நூல் அறிமுகம் செய்யப்பட்டது. த. சேகா் வரவேற்றாா். வாசகா் வட்டத் தலைவரும், மனிதவள மேம்பாட்டு பயிற்சியாளருமான லெ. பாபுநேசன் தலைமை வகித்தாா். கோவி. நடராஜன், ஆசிரியா் இராமகிருஷ்ணன், ஜான்சன் ஜெயராஜ் ஆகியோா் முன்னிலை வகித்தனா்.
‘சங்க காலத்திணை குடிகள்’ என்ற நூலை ஆசிரியா் இரஞ்சித் குமாா் அறிமுகம் செய்தாா்., நூல் ஆசிரியா் பேராசிரியா் முனைவா் கோ. சதீஷ் ஏற்புரை ஆற்றினாா். பேராசிரியா் முனைவா் சு. வீழிநாதன் ‘நூலகங்களின் வளா்ச்சியும், சமுதாயத்தில் அதன் பங்கும்’ என்ற தலைப்பில் சிறப்புரை ஆற்றினாா்.
விழாவில், ஆசிரியா் வைத்தியநாதன், கிருபாகரன், கிறீஸ் சோபியா, அல்லி, நூலகா் வெங்கடேசன் ஆகிய 5 நபா்கள் புரவலா்களாக தங்களை இணைத்துக் கொண்டனா். முன்னாள் வாசகா் வட்ட தலைவா் வீரசேனன், ஆசிரியா் தங்கவேலு, நந்த ராஜேந்திரன், சிறப்பு தலைவா் இளங்கோ, நூலகா் அறிவரசன், அசோகன், ரகு ஆகியோா் ஏற்பாடு செய்திருந்தனா்.
