BB Tamil 8 Sachana: ``முத்துக்குமரன்தான் டைட்டில் வின்னர்''- அடித்துச் சொல்கிறார் சாச்சனா

கடந்த இரு வாரங்களாக பிக் பாஸ் வீட்டிலிருந்து டபுள் எவிக்‌ஷனாக இரண்டு நபர்கள் வெளியேறி இருக்கிறார்கள்.

அதில் முதல் வார டபுள் எவிக்‌ஷனில் ஆனந்தியும் சாச்சனாவும் வெளியேறி இருந்தார்கள். சாச்சனா பிக் பாஸ் வீட்டிற்குச் சென்ற முதல் நாளிலேயே வெளியேறியவர். அதன் பிறகு டிவிஸ்ட்டாக மீண்டும் வீட்டிற்குள் ரீ - என்ட்ரி கொடுத்தார். அதனைத் தொடர்ந்து 60 நாட்கள் வீட்டிற்குள் தாக்குப் பிடித்தவர் முதல் வார டபுள் எவிக்‌ஷனில் வெளியேறினார். அவர் இன்று விஜய் டி.வி-யின் சமூக வலைதளப் பக்கத்துடன் இணைந்து லைவ்வில் பேசியிருக்கிறார்.

பிக் பாஸ் பார்வையாளர்களின் கேள்விக்குப் பதிலளித்த சாச்சனா, `` வெளில இப்படியான அளவுக்கு வரவேற்பு இருக்கும்னு நான் எதிர்பார்க்கல. நான் பக்கத்துல ஒரு கோவிலுக்கு போனால்கூட என்கிட்ட வந்து பேசுறாங்க. நேத்துகூட ஒரு அம்மா என்கிட்ட வந்து நல்லா விளையாடினதாகச் சொன்னாங்க. நெகடிவ் விமர்சனங்களும் இருக்கும். நான் நேர்மறையான விஷயங்களை மட்டும் எடுத்துகிறேன். கண்டிப்பாக முத்துக்குமரன் அண்ணா ஃபைனல்ஸ் போவாரு. எனக்கு முத்துக்குமரன் அண்ணனுக்குப் பிறகு விஷால் அண்ணாவை ரொம்பப் பிடிக்கும்.

அவர் வீட்டுக்க்குள்ள அமைதியாக இருக்கார்னு தெரிஞ்சது. ஆனால் வெளில வந்து பார்க்கும்போது அவர் மற்ற நபர்களைவிட அமைதியாக இருக்கிற மாதிரி தெரியுது. இந்த 63 நாட்கள் பிக் பாஸ் வீட்டுக்குள்ள இருந்ததுனால எனக்கு நல்ல அனுபவம் கிடைச்சுருக்கு. என்னுடைய வாழ்க்கையிலும் இந்த அனுபவம் ரொம்பவே எனக்கு பயனுள்ளதாக இருக்கும்.

முத்து அண்ணா ரொம்ப திறமையானவர். அவருக்கு ரொம்ப நல்ல மனசும் இருக்கு. சொல்லபோனால், அவர்தான் இந்த சீசனோட வலிமையான ப்ளேயர். ராணவ் அண்ணனோட அப்பாவித்தனம் எனக்குப் ரொம்பப் பிடிக்கும். மஞ்சரி மேம் கிட்ட நேர்மை இருக்கும். எந்த விஷயமாக இருந்தாலும் வெளிப்படையாக சொல்லிடுவாங்க. இப்போ நான் வெளில வந்துட்டேன். பிக் பாஸுடைய குரலை ரொம்பவே மிஸ் பண்றேன். நான் ஃபைனல்ஸ் வரைக்கும் இருப்பேன்னு நினைச்சுப் பார்க்கல. ஒரு கட்டம் வரைக்கும் இருப்பேன்னு நினைச்சேன்.

ஆனால், இப்போ மக்களுக்கு பிடிக்காத ஏதோ ஒரு விஷயத்தைப் பண்ணிட்டேன். அதுனாலதான் என்னை வெளில அனுப்பிட்டாங்க. வீட்டுக்குள்ள எல்லோரும் அவங்கவங்க விளையாட்டை விளையாடுறாங்க. ஜெஃப்ரி மட்டும் கொஞ்சம் ஃபேக்காக இருக்கிற மாதிரி தெரியுது. ரஞ்சித் சார் இதுவரைக்கும் அவருடைய கேம்மை இன்னும் தொடங்கலைன்னு நான் நினைக்கிறேன்." என்றார். புதிய தொகுப்பாளர் குறித்த கேள்விக்கு, ``வச்சு செய்றாரு.சொல்லப்போனால், ஒரு பயமே எனக்கு வந்துருச்சு.இதுவரைக்கு அவருடனான ஜர்னில நான் அவர்கூட பேசுறதுக்கு பயந்தது இல்ல.ஆனால், இனிமேல் அந்த பயம் இருக்கும்னு நினைக்கிறேன்." என்றவர் `யார் இந்த சீசனின் டைட்டில் வின்னர்?' என்ற கேள்விக்கு ``முத்துக்குமரன் அண்ணன்தான்!'' எனக்கூறி முடித்துக் கொண்டார்.

நீங்கள் விரும்பி படித்த தொடர்கள், இப்போது ஆடியோ வடிவில்... புத்தம் புதிய விகடன் ப்ளே... உங்கள் அன்றாட பணிகளை கவனித்துக் கொண்டே ரசித்து கேட்க, உடனே இன்ஸ்டால் செய்யுங்கள்...

https://bit.ly/Neerathikaaram