BB Tamil 8: "தயவுசெய்து ஒருத்தரோட எமோஷனை புரிஞ்சுக்கோங்க" - ஜாக்குலின் - முத்துக்குமரன் வாக்குவாதம்

பிக் பாஸ் நிகழ்ச்சியின் 87 வது நாளுக்கான இரண்டாவது புரோமோ வெளியாகி இருக்கிறது.

பிக் பாஸ் தமிழ் சீசன் 8 கடந்த அக்டோபர் மாதம் 18 போட்டியாளர்களுடன் தொடங்கப்பட்டது. தற்போது 10 போட்டியாளர்கள் பிக் பாஸ் வீட்டில் இருக்கின்றனர். இந்த வார எவிக்ஷனுக்கான நாமினேஷன் பட்டியலில் தீபக், விஷால், மஞ்சரி, ராணவ், அருண், பவித்ரா, ரயான், ஜாக்குலின் ஆகியோரின் பெயர்கள் இடம் பெற்றிருக்கின்றன. இந்த வாரம் டிக்கெட் டு ஃபினாலே டாஸ்க் தொடங்கி இருக்கிறது.

நேற்றைய தினமே போட்டியாளர்களிடையே கடுமையான போட்டி நடைபெற்றது. குறிப்பாக முத்துக்குமரனுக்கும், ரயானிற்கும் இடையே வாக்குவாதம் ஏற்பட்டது. இந்நிலையில் இன்று (ஜனவரி 1) வெளியாகி இருக்கும் முதல் புரோமோவில் இருவருக்கும் இடையே மோதல் ஏற்பட்டதாகக் காட்டப்பட்டது. தற்போது வெளியாகி இருக்கும் இரண்டாவது புரோமோவிலும் வாக்குவாதம் தொடர்கிறது.

மஞ்சரி, ரயான், ஜாக்குலின் மூவரும் முத்துக்குமரனிடம் முரண் படுகின்றனர். "போன் எடுக்க தைரியம் வேணும்" என்று முத்துக்குமரன் சொல்ல, "தனியாக விளையாடவும் தைரியம் வேணும்" என்று ராயன் சொல்கிறார்.

மேலும், "சகுனி வேலையைப் பார்த்துவிட்டு போறீங்க மஞ்சரி" என்று முத்துக்குமரன் சொல்ல, ஜாக்குலின் "புரிஞ்சுக்கோ முத்து" என்கிறார். "தயவு செய்து ஒருவரின் எமோஷனையும் புரிஞ்சுக்கோங்க" என்று முத்துக்குமரன் கூற, ஜாக்குலின் "நீங்களும்தான்" என்று பதிலளித்திருக்கிறார்.

நீங்கள் விரும்பி படித்த தொடர்கள், இப்போது ஆடியோ வடிவில்... புத்தம் புதிய விகடன் ப்ளே... உங்கள் அன்றாட பணிகளை கவனித்துக் கொண்டே ரசித்து கேட்க, உடனே இன்ஸ்டால் செய்யுங்கள்...

https://bit.ly/JailMathilThigil