Coolie: ``இந்த மகத்தான மைல்கல்லுக்கான ஒரே ஒருவர் ரஜினி மட்டுமே" - வாழ்த்திய நடிகர் மோகன்லால்

லோகேஷ் கனகராஜ் இயக்கத்தில் நடிகர் ரஜினிகாந்த், நாகர்ஜுனா, சத்யராஜ் உள்ளிட்ட பெரும் நடிகர் பட்டாளமே நடித்திருக்கும் கூலி திரைப்படம் நாளை வெளியாகிறது. உலகம் முழுவதும் இருக்கும் ரஜினிகாந்த் ரசிகர்களின் பெரும் எதிர்பார்ப்புக்கு மத்தியில் உருவாகியிருக்கும் இந்தப் படம், வெற்றிபெற வேண்டும் என பல்வேறு மொழித் திரையுலகின் நட்சத்திரங்கள் வாழ்த்து தெரிவித்து வருகின்றனர்.

அதே நேரம், இந்த ஆண்டுடன் நடிகர் ரஜினிகாந்தின் திரைப்பயணம் தொடங்கி 50-வது ஆண்டு நிறைவடைகிறது. இந்த சூழலில் நடிகர் ரஜினிகாந்துடன் திரையைப் பகிர்ந்துகொண்ட பலரும் அவருக்கு வாழ்த்துகளைத் தெரிவித்துவருகின்றனர்.

இயக்குனர் நெல்சன் இயக்கத்தில் ரஜினிகாந்த் நடிப்பில் 2023-ம் ஆண்டு 'ஜெயிலர்' திரைப்படம் வெளியானது. இந்தத் திரைப்படம் ரூ. 600 கோடிக்கும் மேல் வசூல் செய்து சாதனை படைத்தது. இந்த படத்தின் வெற்றியை தொடர்ந்து இரண்டாம் பாகமான 'ஜெயிலர் 2' படம் உருவாகி வருகிறது. இந்தப் படத்தில் மேத்திவ் என்ற கேமியோ கதாபாத்திரத்தில் நடிகர் மோகன்லால் நடித்திருந்தார். இந்தக் கேமியோ ரோல் அப்போதே பலரால் பாராட்டப்பட்டது.

இந்த நிலையில், நடிகர் மோகன்லால் தன் எக்ஸ் பக்கத்தில், ``ஐம்பது வருடங்களாக திரையில் மனதை கவரும் இணையற்ற நடிப்பு, அர்ப்பணிப்பு, தன் அற்புதம் மூலம் இந்த மகத்தான மைல்கல்லுக்கான ஒரே ஒருவர் நடிகர் ரஜினிகாந்த் மட்டுமே. அவருக்கு என் வாழ்த்துகள். இன்னும் கூலி போன்ற அடையாளத் திரைப்படங்களும் வரப்போகிறது" என வாழ்த்தியிருக்கிறார்.

சினிமா விகடனின் பிரத்யேக Whatsapp க்ரூப்

https://chat.whatsapp.com/JSk78H7siYK4aL2qO1RglR

சினிமா தொடர்பான எக்ஸ்க்ளூசிவ் அப்டேட், அசத்தல் பேட்டிகள், டி.வி அப்டேட்கள் என எதையும் மிஸ் செய்யாமல் தெரிந்து கொள்ள...

உங்கள் வாட்ஸ் அப் மூலமே இணைந்திருங்கள் சினிமா விகடனுடன்...

https://chat.whatsapp.com/JSk78H7siYK4aL2qO1RglR