Dhoni: "தோனிக்காக விட்டுக்கொடுப்பேன் என ரசிகர்கள் நம்பினர்; ஆனா..." - வின்னிங் ஷாட் குறித்து ரச்சின்

ஐ.பி.எல் 18-வது சீசனின் மூன்றாவது போட்டி சேப்பாக்கம் மைதானத்தில் நேற்று (மார்ச் 23) நடைபெற்றது.

ருத்துராஜ் தலைமையிலான சென்னை அணியும், சூர்யகுமார் யாதவ் தலைமையிலான மும்பை அணியும் மோதிக்கொண்ட இந்த ஆட்டத்தில், 4 விக்கெட் வித்தியாசத்தில் சென்னை அணி வெற்றிபெற்றது.

சென்னை அணியில் நூர் அகமது அபாரமாகப் பந்துவீசி 4 விக்கெட்டுகள் வீழ்த்தினார். அதேபோல், பேட்டிங்கில் ரச்சின் ரவீந்திரா ஓப்பனிங்கில் இறங்கி ருத்துராஜுடன் அரைசத பார்ட்னர்ஷிப் அமைத்து இறுதியில் தோனியை நான்-ஸ்ட்ரைக்கரில் நிற்க வைத்து வின்னிங் ஷாட் சிக்ஸுடன் ஆட்டத்தை முடித்துக்கொடுத்தார்.

கடந்த சீசனில் சென்னை அணி மூலம் ஐ.பி.எல்-இல் அறிமுகமாகிய ரச்சின் ரவீந்திரா, பேட்டிங்கில் தோனியுடன் களத்தில் நின்றது இதுவே முதல்முறை.

வெற்றிக்குப் பிறகு செய்தியாளர்கள் சந்திப்பில் தோனியுடனான மொமென்ட் குறித்துப் பேசிய ரச்சின் ரவீந்திரா, ``அணிக்காகப் போட்டியை வெல்வதில் கவனமாக இருக்கும்போது, அந்த மொமென்ட்டை முழுமையாக எடுத்துக்கொள்வது கடினம்.

அதே சமயம், அந்த உற்சாகம், தோனிக்கான ஆரவாரம், விசில் போன்றவற்றைப் புறக்கணிப்பதும் கடினம்.

கிரீஸில் முதல்முறையாக அவருடன் நின்றதை என்னாலேயே நம்ப முடியவில்லை. அவர் ஒரு லெஜண்ட். மக்கள் அவரை நேசிக்கிறார்கள்.

எனவே இது மிகவும் ஸ்பெஷலானது. இந்த ஆட்டத்தை அவர் முடித்துக் கொடுக்க நான் விடுவேன் என்று ரசிகர்கள் நம்பினர். ஆனால், இங்கு எல்லாமே ஆட்டத்தை முடித்துக் கொடுப்பது மட்டும்தான்.

சென்னை அணிக்காக நிறையப் போட்டிகளை தோனி முடித்துக் கொடுத்திருக்கிறார். அந்த வரிசையில் இன்னும் நிறையப் போட்டிகள் வரும் என்று நான் உறுதியாக நம்புகிறேன்" என்று கூறினார்.

அதைத்தொடர்ந்து, ருத்துராஜுடனான பார்ட்னர்ஷிப் குறித்துப் பேசிய ரச்சின் ரவீந்திரா, ``ருத்துராஜ் அற்புதமான வீரர். தனது திறமையை அவர் வெளிப்படுத்திய விதமும், அழகான ஷாட்களை அடித்து ரன்கள் சேர்த்த விதமும் சுவாரஸ்யமாக இருந்து.

மும்பை அணி நன்றாகப் பந்துவீசியது. இருப்பினும், ருத்துராஜ் ஆடிய விதம் அவரின் க்ளாஸ் பேட்டிங்குக்கு சான்று. அது என்னுடைய வேலையை எளிதாக்கியது" என்று தெரிவித்தார்.

சென்னை தனது இரண்டாவது போட்டியில், ரஜத் பட்டிதார் தலைமையிலான பெங்களூரு அணியைச் சேப்பாக்கத்தில் மார்ச் 28-ம் தேதி எதிர்கொள்கிறது.

வேட்டை நாய்கள் - Gangs of தூத்துக்குடி -இப்போது விகடன் ப்ளேயில்..!

Link : Part 01 : https://tinyurl.com/Vettai-Naigal-Part-01 |

Part 02: https://tinyurl.com/Vettai-Naigal-Part-02 |

80களில் தூத்துக்குடியை மிரள வைத்த டான்களின் கதை வேட்டை நாய்கள் - Gangs of தூத்துக்குடி இப்போது Audio formatல் உங்கள் Vikatan Playல். இப்பவே Vikatan APPஐ Download செய்யுங்கள் Play Iconஐ Click பண்ணி வேட்டை நாய்கள் கேளுங்க | #Vikatan #VikatanPlay #AudioBooks