Gold Rate Today: 'நேற்று ஒரே நாளில் பவுனுக்கு ரூ.1,440-க்கு உயர்வு!' - காரணம் என்ன?!

தங்கம் விலை நேற்று ஒரே நாளில் கிராமுக்கு ரூ.180-உம், பவுனுக்கு ரூ.1,440-உம் உயர்ந்தது. நேற்று இருமுறை தங்கம் விலை உயர்ந்தது. மேலும், அந்த இரண்டு முறையும் தங்கம் விலை புதிய உச்சத்தை தொட்டது.

நேற்றைய மாலை விலையைவிட, இன்று தங்கம் குறைந்து கிராமுக்கு ரூ.8,220-உம், பவுனுக்கு ரூ.65,760-உம் குறைந்துள்ளது. 'குறைந்துள்ளது' என்பதை விட, நேற்று காலை விற்பனையான தங்கம் விலையை இது தொட்டுள்ளது என்று தான் கொள்ள வேண்டும்.

இன்று ஒரு கிராம் தங்கத்தின் (22K) விலை ரூ.8,220 ஆகும்.

இன்று ஒரு பவுன் தங்கத்தின் (22K) விலை ரூ.65,760 ஆகும்.

இன்று ஒரு கிராம் வெள்ளியின் விலை ரூ.112 ஆகும்.

நேற்றைய உயர்வுக்கு காரணம் என்ன?

உலகளவில் தங்கம் விலையை நிர்ணயிப்பதில் அமெரிக்கா முக்கிய பங்கு வகிக்கிறது. தற்போது அமெரிக்காவின் பங்குச்சந்தை இறங்குமுகத்தில் இருக்கிறது. அதனால், தங்கம் மீதான முதலீடுகள் அதிகரித்துள்ளது. அந்த முதலீடுகள் தான் தங்கம் விலை உயர்வாக பிரதிபலிக்கின்றது.