கொல்கத்தா மாணவி பாலியல் வன்கொடுமை: கைதான 3 மாணவர்களையும் ஜூலை 8 வரை காவலில் விசா...
JEE Advanced தேர்வு எழுதிய ChatGPT 3.0 ; கடினமான தேர்வில் அதன் ஸ்கோர் என்ன தெரியுமா?
Admin
- 2 weeks ago
JEE Advanced தேர்வு - இதை நம்ம ChatGPT எழுதினால் எப்படி இருக்கும்?
அப்படி என்ன ஜே.இ.இ தேர்வி ஸ்பெஷல் என்று நீங்கள் நினைக்கலாம். இந்தத் தேர்வு உலக அளவில் மிகவும் கடினமான தேர்வுகளில் ஒன்று. இது இந்திய தொழில்நுட்ப நிறுவனங்களில் (IIT) சேர்வதற்காக நடத்தப்படும் தேசிய அளவிலான பொறியியல் நுழைவுத் தேர்வாகும்.
மேலே கேட்ட கேள்வியை நடத்திக் காட்டியிருக்கிறார் IIT கரக்பூரை சேர்ந்த அனுஷ்கா ஆஷ்வி என்ற மாணவி. சாட் ஜி.பி.டி-யிடம் ஜே.இ.இ அட்வான்ஸ்டின் மாதிரி வினாத் தாளைக் கொடுத்து பதில் கேட்டிருக்கிறார். இதற்கு அது வாங்கிய ரிசல்ட் தான் அதிர்ச்சி மற்றும் ஆச்சரிய ரகம்.
360 மதிப்பெண்களுக்கு 327
ஒவ்வொரு ஆண்டும் 15 லட்சம் பேர் ஜே.இ.இ முதன்மை தேர்வுகளை எழுதுகின்றனர். இதில் 2,50,000 பேர் மட்டுமே ஜே.இ.இ அட்வான்ஸ்டுக்கு தகுதி பெறுகிறார்கள். இந்தத் தேர்வில் சுமார் 17,000 மாணவர்கள் மட்டுமே தேர்ச்சி பெற்று ஐ.ஐ.டியில் இடம் பிடிக்கின்றனர். இது அந்தத் தேர்வின் கடின அளவிற்கான எடுத்துக்காட்டு.
இப்படிப்பட்ட தேர்வின் வினாத்தாளிற்கு பதிலளித்து ChatGPT 3.O அசால்டாக 360 மதிப்பெண்களுக்கு 327 மதிப்பெண்கள் ஸ்கோர் செய்துள்ளது.
சில கேள்விகளுக்கு பதில் அளிக்க நிமிடங்கள் வரை ஆகியுள்ளது. சில கேள்விகளுக்கு தவறான பதில் அளித்திருக்கிறது. வேதியியல் மற்றும் கணிதம் இரண்டிலும் 60 என்று ஃபுல் மார்க்கை எடுத்துள்ளது. ஆனால், இயற்பியலில் மட்டும் சிறிது சறுக்கி, சிறிய சிறிய பிழைகளைச் செய்துள்ளது.
'சாட் ஜி.பி.டி ஸ்கோர் செய்வதில் என்ன அதிசயம் இருக்கிறது... அது இணையத்தில் இருந்து பதில்களை எடுத்திருக்கும்?' என்று நீங்கள் நினைக்கலாம். ஆனால், இங்கே தான் ட்விஸ்ட். அனுஷ்கா ஆஷ்வி ஜே.இ.இ தேர்வுகளுக்கு என்ன விதிமுறைகள் விதிக்கப்படுமோ, அதே விதிமுறைகளை சாட் ஜி.பி.டி-ற்கும் விதித்துள்ளார். அதாவது JEE தேர்வாளர் போல தேர்வை எதிர்கொள்ளவும், இணையத் தேடல்கள், குறியீட்டு கருவிகள், குறிப்புகள் என எதனையும் பயன்படுத்த கூடாது என்று கட்டளையிட்டுள்ளார். ஒவ்வொரு கேள்வியையும் சுயாதீனமாகத் தீர்க்க வேண்டும் என்பது முக்கிய கண்டிஷன்.
இந்தக் கட்டளைகளை எல்லாம் பின்பற்றி தேர்வு எழுதி தான் சாட் ஜி.பி.டி 327/360 மதிப்பெண்கள் எடுத்து உள்ளது. இதே மதிப்பெண்ணை ஜே.இ.இ தேர்வில் ஒரு மாணவர் எடுத்தால் அவருக்கு நான்காவது ரேங்க் கிடைக்குமாம்!
