Sikandar: "ராஷ்மிகாவின் மகளுடனும் நடிப்பேன்" - சர்ச்சையான சல்மான் கானின் பேச்சு; பின்னணி என்ன?

ஏ.ஆர்.முருகதாஸ் இயக்கத்தில் பாலிவுட் நடிகர் சல்மான் கான் நடித்துள்ள 'சிக்கந்தர்' திரைப்படத்தின் டிரைலர் மற்றும் இசை வெளியீட்டு விழா நடந்து முடிந்தது.

37 ஆண்டுகளாகப் பாலிவுட்டின் உச்ச நட்சத்திரமாக வலம் வருபவர் சல்மான் கான். 'ஹம் ஆப்கே ஹைன் கோன்', 'வான்டெட்', 'தபாங்', 'பாடிகார்ட்' என ஏராளமான ஹிட் படங்களைக் கொடுத்துள்ளார்.

சமீப காலமாக இவர் நடிப்பில் வெளிவந்த படங்கள் எதுவும் பெரிய அளவில் வரவேற்பைப் பெறவில்லை. 

இந்நிலையில் தமிழ் இயக்குநர் ஏ.ஆர்.முருகதாஸ் உடன் இணைந்து 'சிக்கந்தர்' என்ற படத்தில் நடித்து வந்தார். இத்திரைப்படம் ரம்ஜானை முன்னிட்டு வரும் மார்ச் 30 ஆம் தேதி திரையரங்குகளில் வெளியாகிறது. 

இத்திரைப்படத்தில் சல்மான் கான், அவரை விடவும் 31 வயது குறைவாக இருக்கும் ராஷ்மிகாவுடன் நடிப்பதாகப் பாலிவுட் வட்டாரத்தில் விமர்சனங்கள் எழுந்தன.

இந்நிலையில் இத்திரைப்படத்தின் ஆடியோ மற்றும் டிரைலர் வெளியீட்டு நிகழ்ச்சியில் நடிகர் சல்மான் கான், "எல்லோரும் 31 வயது வித்தியாசம் உள்ள கதாநாயகியுடன் நான் நடித்து வருவதாகக் கருத்து தெரிவித்து வருகின்றனர்.

கதாநாயகிக்கும் அவரது தந்தைக்குமே அது குறித்து எந்த பிரச்னையும் இல்லாத போது உங்களுக்கு என்ன பிரச்னை?

நாளை கதாநாயகிக்குத் திருமணம் நடந்து அவரது மகள் சினிமாவில் நாயகி ஆகலாம். அப்போது அவருடனும் நான் நடிப்பேன். அதற்கு அவரது அம்மாவின் (ராஷ்மிகா) ஒத்துழைப்பும் கிடைக்கும்" என்று பேசியுள்ளார்.

சல்மான் கானின் இந்த கருத்து சமூக வலைத்தளங்களில் கேலிக்கும் சர்ச்சைக்கும் உள்ளாகி இருக்கிறது.

வேட்டை நாய்கள் - Gangs of தூத்துக்குடி -இப்போது விகடன் ப்ளேயில்..!

Link : Part 01 : https://tinyurl.com/Vettai-Naigal-Part-01 |

Part 02: https://tinyurl.com/Vettai-Naigal-Part-02 |

80களில் தூத்துக்குடியை மிரள வைத்த டான்களின் கதை வேட்டை நாய்கள் - Gangs of தூத்துக்குடி இப்போது Audio formatல் உங்கள் Vikatan Playல். இப்பவே Vikatan APPஐ Download செய்யுங்கள் Play Iconஐ Click பண்ணி வேட்டை நாய்கள் கேளுங்க | #Vikatan #VikatanPlay #AudioBooks