நேபாளத்தின் இடைக்கால அரசை வழிநடத்தும் தலைவராகிறார் முதல் பெண் தலைமை நீதிபதி !
Vikatan Digital Awards 2025: `நட்சத்திர போராளிகள்' - கோபி & சுதாகர்; Digital Icon Award Winner
Admin
- 8 hours ago
டிஜிட்டல் விருதுகள் 2025
டிஜிட்டல் தளத்தில் தொடர்ந்து தூள் கிளப்பிக் கொண்டிருக்கும் கலைஞர்களைக் கொண்டாட திட்டமிட்டிருக்கிறது விகடன். அதற்கெனப் பிரத்யேகமாக `விகடன் டிஜிட்டல் விருதுகள்' விழாவையும் முதல் முறையாக நடத்தவிருக்கிறது விகடன்!
`Best Solo Creator - Male', `Best Solo Creator - Female', `Best Couple Creator' என மொத்தமாக 27 பிரிவுகளில் விருதுகள் வழங்கப்படவுள்ளன. விருதுகளின் ஒவ்வொரு பிரிவின் நாமினேஷனுக்காகத் தேர்வு செய்யப்பட்டவர்களின் பட்டியல் கடந்த சில தினங்களுக்கு முன்பு வெளிவந்திருந்தது.
யூட்யூப், இன்ஸ்டாகிராம் என டிஜிட்டல் தளத்தில் அதகளப்படுத்திக் கொண்டிருக்கும் பலரும் அந்த நாமினேஷன் பட்டியலில் இடம்பெற்றிருந்தார்கள். கோலாகலத்திற்குப் பஞ்சமின்றி பிரமாண்டமாக இந்த விருது விழா வருகிற செப்டம்பர் 13-ம் தேதி சென்னை கலைவாணர் அரங்கத்தில் நடக்கவிருக்கிறது. நம் ஃபேவரைட் சோசியல் மீடியா பிரபலங்கள் பலரும் இந்த விழாவில் கலந்துக் கொண்டு விருது பெறவிருக்கிறார்கள்.
இப்போது, விருதுகளை வெல்லப் போகும் வெற்றியாளரையும் அவர்களைப் பற்றிய விவரங்களையும் நம் விகடன் இணையதளத்தில் ஒவ்வொன்றாகத் தொடர்ந்துப் பார்க்கலாம்.
Digital ICON Award - Gopi Sudhakar
சமூகப் பொறுப்புணர்வோடு நய்யாண்டி கண்டெண்ட்களை தொடர்ந்து இத்தனை ஆண்டுகளாக காணொளி மூலமாக யூட்யூபில் தளத்தில் கொடுத்த ஸ்டரெஸ் பஸ்டர் கோபி - சுதாகர்தான் டிஜிட்டல் ஐகான் விருதுக்கு ஜூரிக்கள் தேர்வு செய்திருக்கும் வெற்றியாளர்கள்.
Digital ICON Award - Gopi & Sudhakar
எவரையும் விமர்சிக்கத் தயங்காத, பாமரனையும் யோசிக்க வைத்து உலுக்கிவிடுகிற கேலிச் சொல்லாடல்களுக்காகவே கோபி & சுதாகரை யூடியூப் யுனிவர்ஸின் முன்வரிசை இருக்கையில் உட்கார வைத்திருக்கிறார்கள் மகா ஜனங்கள். சமூகப் பொறுப்போடு நகைச்சுவை சாடல் செய்யும் கோபியும் சுதாகரும் எல்லோரும் விரும்பும் நட்சத்திரப் போராளிகள்.
எந்தப் பாத்திரத்தையும் ஏற்கத் தயங்காத இவர்களுக்கு விரைவில் வெள்ளித்திரையும் மாலையிடக் காத்திருக்கிறது. சிரிக்கவும் சிந்திக்கவும் வைக்கிற இந்த நவீனக் கலைவாணர்களுக்கு Digital ICON விருது வழங்கி மகிழ்கிறது விகடன்!
சினிமா விகடனின் பிரத்யேக Whatsapp க்ரூப்
https://chat.whatsapp.com/JSk78H7siYK4aL2qO1RglR
சினிமா தொடர்பான எக்ஸ்க்ளூசிவ் அப்டேட், அசத்தல் பேட்டிகள், டி.வி அப்டேட்கள் என எதையும் மிஸ் செய்யாமல் தெரிந்து கொள்ள...
உங்கள் வாட்ஸ் அப் மூலமே இணைந்திருங்கள் சினிமா விகடனுடன்...
