WPL: மேட்ச் வின்னிங் இன்னிங்ஸ் ஆடிய ஹர்மன்ப்ரீத்; இரண்டாவது முறையாக சாம்பியனான மும்பை இந்தியன்ஸ்!

வுமன்ஸ் ப்ரீமியர் லீகின் இறுதிப்போட்டி நடந்து முடிந்திருக்கிறது. இதில் டெல்லி கேப்பிட்டல்ஸ் அணியை 8 ரன்கள் வித்தியாசத்தில் வீழ்த்தி மும்பை அணி இரண்டாவது முறையாக சாம்பியன் ஆகியிருக்கிறது.

மும்பையின் ப்ரபோர்ன் மைதானத்தில் நடந்த இந்தப் போட்டியில் டெல்லி அணியின் கேப்டன் மெக் லேனிங் டாஸை வென்றிருந்தார். முதலில் பந்துவீசப்போவதாக அறிவித்தார். அதன்படி மும்பை பேட்டிங்கை தொடங்கியது. மும்பைக்கு ஆரம்பத்திலேயே சறுக்கல் தொடங்கியது.

பவர்ப்ளேக்குள்ளாகவே யஸ்திகா பாட்டியா, ஹீலி மேத்யூஸ் என இரண்டு ஓப்பனர்களையும் மரிசானே காப் வீழ்த்தினார். மும்பை அணி 14-2 எனத் தடுமாறியது. அந்த சமயத்தில்தான் கேப்டன் ஹர்மன்ப்ரீத் கவுரும் நட்சீவர் ப்ரண்ட்டும் கூட்டணி அமைத்தனர். இருவரும் இணைந்து 89 ரன்களை அடித்திருந்தனர். ஆரம்பத்தில் நின்று நிதானமாக ஆடி செட்டில் ஆன ஹர்மன்ப்ரீத் அதன்பிறகு அதிரடியாக ஆடினார். முதல் 15 பந்துகளில் 11 ரன்களை எடுத்திருந்தவர், அடுத்த 29 பந்துகளில் 55 ரன்களை எடுத்திருந்தார்.

நட்சீவர் ப்ரண்ட் ஒரு முனையில் நின்று பார்ட்னர்ஷிப்புக்கு உதவி 30 ரன்களை எடுத்திருந்தார். சதர்லேண்டின் ஓவரில் ஹர்மன்ப்ரீத்தும் சரணியின் ஓவரில் ப்ரண்ட்டும் அவுட் ஆகியிருந்தனர். இவர்கள் இருவரின் ஆட்டத்தாலும்தான் மும்பை அணி 149 ரன்களை எடுத்திருந்தது.

டெல்லி அணி இந்த டார்கெட்டுக்கு கடுமையான சவாலளிக்கும் என எதிர்பார்க்கப்பட்டது. ஆனால், மும்பை அணி அவ்வளவு சிரமப்படவில்லை. டெல்லியின் ஓப்பனர்களான மெக் லேனிங்கும் ஷெபாலி வர்மாவும் பவர்ப்ளேக்குள்ளேயே அவுட் ஆகினர். நட்சீவர் ப்ரண்டும் ஷப்னிம் இஸ்மாயிலும் இவர்களின் விக்கெட்டுகளை வீழ்த்தினர்.

இந்த ஆரம்பக்கட்ட சறுக்கல்களிலிருந்து டெல்லி அணியால் மீண்டு வர முடியவில்லை. ஜெமிமாவும் மரிசானே காப்பும் கொஞ்சம் முயன்றனர். அவர்களின் முயற்சி டார்கெட்டை நெருங்க உதவியதே தவிர வெல்ல முடியவில்லை. மும்பை அணி 8 ரன்கள் வித்தியாசத்தில் வென்றது.

இந்த வெற்றியின் மூலம் வுமன்ஸ் ப்ரீமியர் லீக் தொடரில் மும்பை இந்தியன்ஸ் அணி இரண்டாவது முறையாக சாம்பியன் ஆகியிருக்கிறது.

வேட்டை நாய்கள் - Gangs of தூத்துக்குடி -இப்போது விகடன் ப்ளேயில்..!

Link : Part 01 : https://tinyurl.com/Vettai-Naigal-Part-01 |

Part 02: https://tinyurl.com/Vettai-Naigal-Part-02 |

80களில் தூத்துக்குடியை மிரள வைத்த டான்களின் கதை வேட்டை நாய்கள் - Gangs of தூத்துக்குடி இப்போது Audio formatல் உங்கள் Vikatan Playல். இப்பவே Vikatan APPஐ Download செய்யுங்கள் Play Iconஐ Click பண்ணி வேட்டை நாய்கள் கேளுங்க | #Vikatan #VikatanPlay #AudioBooks