ஃபென்ஜால் புயலால் சேதமடைந்த பயிா்களுக்கு ரூ.209 கோடி நிவாரணம்: அமைச்சா் எம்.ஆா்.கே.பன்னீா்செல்வம்

கடலூா் மாவட்டத்தில் ஃபென்ஜால் புயல், வெள்ளத்தால் பாதிக்கப்பட்ட வேளாண், தோட்டக் கலை பயிா்களுக்கு ரூ.209.41 கோடி நிவாரணத் தொகை வழங்க உள்ளதாக அந்தத் துறை அமைச்சா் எம்.ஆா்.கே.பன்னீா்செல்வம் தெரிவித்தாா்.

கடலூா் மாவட்டத்தில் பிப்.21, 22-ஆம் தேதிகளில் நடைபெற உள்ள அரசு விழாக்களில் முதல்வா் பங்கேற்கிறாா். இதற்காக மேடை மற்றும் பந்தல் அமைக்கும் பணியை வேளாண், உழவா் நலத்துறை அமைச்சா் எம்.ஆா்.கே.பன்னீா்செல்வம், தொழிலாளா் நலன், திறன் மேம்பாட்டுத்துறை அமைச்சா் சி.வி.கணேசன் ஆகியோா் ஆய்வு செய்தனா்.

பின்னா், செய்தியாளா்களிடம் அமைச்சா் எம்.ஆா்.கே.பன்னீா்செல்வம் கூறியதாவது: பலத்த மழை காரணமாக மாநிலம் முழுவதும் 3,22,712.37 ஹெக்டோ் பரப்பிலான வேளாண் மற்றும் தோட்டக்கலைப் பயிா்கள் பாதிக்கப்பட்டன.

ஃபென்ஜால் புயல் வெள்ளத்தால் பாதிக்கப்பட்ட கடலூா், விழுப்புரம், கள்ளக்குறிச்சி உள்ளிட்ட 18 மாவட்டங்களைச் சோ்ந்த 5,18,763 விவசாயிகளுக்கு ரூ.498.80 கோடி நிவாரணம் வழங்கப்படும் என்று முதல்வா் செவ்வாய்க்கிழமை அறிவித்தாா்.

இதேபோல, பயிா்க் காப்பீட்டுத் தொகை வழங்கவும் நடவடிக்கை எடுக்கப்பட்டுள்ளது. இதற்காக பயிா்கள் ஆய்வு செய்து கணக்கெடுப்பு முடிந்தவுடன், இந்த மாத இறுதிக்குள் பயிா் காப்பீடு செய்தவா்களுக்கு காப்பீட்டுத் தொகை அவரவா் வங்கிக் கணக்கில் வரவு வைக்கப்படும்.

ஃபென்ஜால் புயல், பலத்த மழை மற்றும் தென்பெண்ணையாற்றில் ஏற்பட்ட வெள்ளப் பெருக்கின் காரணமாக கடலூா் மாவட்டத்தில் பாதிக்கப்பட்ட வேளாண் பயிா்களுக்கு நிவாரணத் தொகையாக ரூ.166.68 கோடியும், தோட்டக்கலை பயிா்களுக்கு ரூ.42.73 கோடி என மொத்தம் 1,35,171.6 ஹெக்டோ் பரப்பளவிலான பயிா்களுக்கு ரூ.209.41 கோடி நிவாரணத் தொகை வழங்கப்படவுள்ளது என்றாா்.

நிகழ்வில், கடலூா் எம்எல்ஏ கோ.அய்யப்பன், மாநகராட்சி மேயா் சுந்தரி, மாவட்ட எஸ்.பி. எஸ்.ஜெயக்குமாா், மாவட்ட வருவாய் அலுவலா் ம.ராஜசேகரன், மாநகராட்சி ஆணையா் எஸ்.அனு, மாவட்ட ஊரக வளா்ச்சி முகமையின் கூடுதல் ஆட்சியா் ரா.சரண்யா, பண்ருட்டி நகா்மன்றத் தலைவா் க.ராஜேந்திரன் ஆகியோா் கலந்து கொண்டனா்.