அகமதாபாத் விமான விபத்து வருத்தத்துக்குரியது: ரஜினிகாந்த்

அகமதாபாதில் நிகழ்ந்த விமான விபத்து மிகவும் வருத்தத்துக்குரியது என்று ரஜினிகாந்த் கூறினாா்.

ரஜினிகாந்த் நடிப்பில் உருவாகி வரும் ‘ஜெயிலா் 2’ திரைப்படத்தின் இரண்டாம் கட்ட படப்பிடிப்பு பெங்களூரில் நடைபெற்று வருகிறது. இந்த நிலையில், பெங்களூரு செல்வதற்காக சென்னை விமான நிலையத்துக்கு செவ்வாய்க்கிழமை வந்த அவா் செய்தியாளா்களிடம் கூறியதாவது:

கூலி திரைப்படம் ஆக.14-ஆம் தேதி திரையரங்குகளில் வெளியாகும். அகமதாபாதில் நிகழ்ந்த விமான விபத்து மிகவும் வருத்தத்துக்குரியது. ஆண்டவன் அருளால் இனி இது போன்ற எந்த ஒரு அசம்பாவிதங்களும் ஏற்படக்கூடாது என நான் இறைவனை வேண்டிக்கொள்கிறேன் என்றாா் அவா்.