மேட்டூர் அணை நீர்வரத்து வினாடிக்கு 43,892 கன அடியாக அதிகரிப்பு!
ஓட்டப்பிடாரம் குறுக்குச்சாலை அருகே லாரி ஏற்றி அதிமுக பிரமுகா் கொலை செய்யப்பட்ட வழக்கில் திமுக நிா்வாகி உள்ளிட்ட 3 போ் டி.எஸ்.பி.யிடம் சரணடைந்தனா்.
தூத்துக்குடி மாவட்டம் ஓட்டப்பிடாரம் குறுக்குச்சாலை அருகே கொல்லம்பரும்பு கிராமத்தைச் சோ்ந்தவா் முத்துபாலகிருஷ்ணன் (56). அதிமுக கிளைச் செயலரான இவா், மனை வணிக தொழில் செய்து வந்தாா்.
இவா், கடந்த 24-ஆம் தேதி மோட்டாா் சைக்கிளில் கொல்லம்பரும்பு கிராமத்திலிருந்து குறுக்குச்சாலைக்கு சென்றபோது, சந்திரகிரி அருகே எதிரே வந்த டிப்பா் லாரி மோதியதில் பலத்த காயமடைந்து, சம்பவ இடத்திலேயே உயிரிழந்தாா். முன்விரோதத்தில் அவரை லாரி ஏற்றிக் கொலை செய்ததாக திமுக நிா்வாகி உள்ளிட்டோா் மீது முத்துபாலகிருஷ்ணனின் மனைவி வள்ளியம்மாள் புகாா் அளித்தாா்.
இதுகுறித்து ஓட்டப்பிடாரம் போலீஸாா் வழக்குப்பதிந்து, டிப்பா் லாரி ஓட்டுநா் கொல்லம்பரும்பு கிராமத்தைச் சோ்ந்த சௌந்தரராஜனை (40) கைது செய்து விசாரணை நடத்தினா். மேலும், முன்னாள் ஊராட்சி தலைவா் கெளரியின் கணவரும், ஓட்டப்பிடாரம் கிழக்கு ஒன்றிய திமுக இளைஞரணி துணை அமைப்பாளருமான கருணாகரன், மகேஷ், கற்பகராஜ் ஆகியோரை தேடி வந்தனா்.
தலைமறைவான அவா்களைப் பிடிக்க மணியாச்சி டி.எஸ்.பி. அருள் தலைமையில் தனிப்படை அமைக்கப்பட்டது. தனிப்படை போலீஸாா் பல்வேறு இடங்களில் அவா்களைத் தேடி வந்தநிலையில், பெருமாள் மகன் கருணாகரன் (40), சந்தனராஜ் மகன் மகேஷ் (27), சுப்பையா மகன் கற்பகராஜ் (30) ஆகிய 3 பேரும் டி.எஸ்.பி. அருள் முன் சரணடைந்தனா். அவா்கள் 3 பேரையும் போலீஸாா் கைது செய்து விசாரணை நடத்தி வருகின்றனா்.
